Хаартыска: sakha.gov.ru
“Северо-Эвенскэй аэропорт” филиалыгар “Аэропорты Севера» ФКП куттал суох буолуутун управлениетын тэрийиитинэн туһааннаах үлэһиттэргэ аттестация ыытылынна.
Туһааннаах аэропорт филиалын дириэктэрэ Олег Алешин куттал суох буолуутун үрдүк таһымын хааччыйыыга маннык тэрээһиннэр суолталаахтарын бэлиэтээтэ.
“Аттестат билиини уонна сатабылы эрэ бэрэбиэркэлээбэт. Бу биһиги сатабылбытын уонна бэлэмнээх буолуубутун үрдэтэр кыахпыт буолар. Биһиги пассажирдарга уонна үлэһиттэргэ куттал суох буолуутун хааччыйарга кыһаллабыт”, — диэн эттэ.
Аттестаты ыытарга Санкт-Петербургтан гражданскай авиация судаарыстыбаннай университетын исписэлииһэ ыҥырыллыбыт. Тэрээһиҥҥэ филиал салалтатын кытта сэттэ үлэһит кыттыыны ылбыт.
Аттестацияҕа теоретическай уонна практическай чаастар киирбиттэр. Үлэһиттэр куттал суох буолуутугар, ол иһигэр кутталы туоратыыга уонна ыксаллаах быһыыга-майгыга эппиэттиир ньымалары, билиилэрин көрдөрбүттэр.
Аттестация биир сүрүн көрүҥүнэн бэйэлэрин эт-сиин өртүнэн төһө кыаналларын, төһө бэлэмнээхтэрин бэрэбиэркэлээһин буолар. Үлэһиттэр сүүрүү, сиртэн анньыныы уонна гиирэни көтөҕүү курдук тулуурдаах буолууну уонна күүс-уох бэрэбиэркэтин ааспыттар.
Аттестация түмүгүнэн, үгүс кыттааччылар квалификацияларын уонна идэлээх эбээһинэстэрин толорорго бэлэмнэрин бигэргэтэн, сорудахтары ситиһиилээхтик толорбуттар. Бу туһунан Ил Дархан,бырабыыталыстаба пресс-сулууспата иһитиннэрэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…