Афанасий Лугинов: «Нэһилиэнньэни уонна суруналыыстары кытары аһаҕастык кэпсэтэргэ бэлэм лиидэр баара үчүгэй»

СӨ Экэниэмикэтин министиэристибэтин Уопсастыбаннай балаататын бэрэссэдээтэлэ Афанасий Лугинов Бырабыыталыстыба үлэтин үрдүктүк сыаналаата диэн СӨ Баһылыгын уонна Бырабыыталыстыбатын пресс-сулууспата иһитиннэрэр.

«Арассыыйа Бэрэсидьиэнэ Владимир Владимирович Путин дойду экэниэмикэтин быйыл ситиспит сүрүн көрдөрүүтүн кэпсээтэ. Үчүгэй да түгэннэр, Арассыыйа Федерациятын Бырабыыталыстыбата уонна эрэгийиэннэр өссө да күүскэ үлэлиэхтээх кыһалҕалара да бааллар. Кырдьык, дойду тас иэһэ биллэрдик намтаата, биһиги үлэтэ суох буолуу таһыма биллэрдик кыччаабытын, үп-экэнэмиичэскэй тиһик туруктааҕын көрөбүт. Уопсайынан, РФ Бырабыыталыстыбатын үлэтин үчүгэйинэн сыаналыахха сөп», — диэн быһаарда Афанасий Иванович.

Кини этэринэн, дойдуга элбэх кыһалҕа баар, ол Бэрэсидьиэҥҥэ киирбит ыйытыыларга көстөр, чуолаан кини эрэ, дойду иннигэр турар соруктары быһаарыан сөп буоллаҕа: «Владимир Владимирович араас эйгэҕэ уонна салааларга элбэҕи билэрин, быһаарарын ыйытыыларга эппиэттээн үрдүк таһымын көрдөрдө. Нэһилиэнньэни уонна суруналыыстары кытары аһаҕастык кэпсэтэргэ бэлэм маннык лиидэр баара үчүгэй. Ол иһин, мин тус бэйэм уонна, уопсайынан, уопсастыба биһиги Бэрэсидьиэммит дойду иннигэр турар уустук соруктары быһаарыытын өйүүбүт».