Хаартыскаҕа А.Варламова түһэриитэ
СӨ Үлэҕэ уонна социальнай сайдыыга миниистири солбуйааччы Афанасий Постников министиэристибэ дьаһайыытыгар баар тэрилтэлэр байыаннай эпэрээссийэ кыттыылаахтарыгар уонна кинилэр дьиэ кэргэттэригэр туох үлэни ыытылларын туһунан сырдатта.
— СӨ Үлэҕэ уонна социальнай сайдыыга министиэристибэтин Инбэлииттэри кэлимник чөлүгэр түһэрэр социальнай чэбдигирдэр өрөспүүбүлүкэтээҕи киинин баазатыгар 2022 с. от ыйыттан «Байыаннай сулууспалаахтары, бойобуой дьайыылар кыттыылаахтарын, байыаннай сулууспалаахтары, ол иһигэр, байыаннай эпэрээссийэҕэ кыттыбыт дьону кэлимник чөлгө түһэрэр, социальнай өттүнэн өйүүр бырагыраама» ылыллан үлэлиир. Бу бырагыраамаҕа олоҕуран, бу өрөспүүбүлүкэтээҕи Кииҥҥэ ыытыллыбыт эбэтэр манна кэлбит дьоҥҥо барыларыгар доруобуйаларын тупсарыыга, чөлүгэр түһэриигэ сөптөөх көмө тутатына оҥоһулла турар. Бырагыраама үлэлиэҕиттэн ыла быйыл олунньу 28 күнүгэр диэри кэм устатыгар доруобуйаларын чэбдигирдиигэ, чөлүгэр түһэриигэ тустаах көмөнү 61 байыаннай сулууспалаах уонна 25 кинилэр чугас аймахтара ыллылар.
Маны таһынан «Доруобуйаларын туругунан хааччахтаах оҕолору чөлүгэр түһэрэр өрөспүүбүлүкэтээҕи киин» «Байыаннай эпэрээссийэ кыттыылаахтарын дьиэ кэргэттэрин чөлүгэр түһэрии, чэбдигирдии» бырагырааматын оҥорон ылыммыта. Олунньу 20 күнүттэн бу бырагырааманан 18 саастарыгар диэри саастаах оҕолорго кинилэр саастарыгар уонна сайдыыларыгар сөп түбэһэр туһааннаах үлэ ыытыллар. Манна стационар аҥардаах эбэтэр толору стационар усулуобуйатыгар 21 күн устатыгар кинилэри кытта психологтар, сайыннарар, көннөрөр дьарыктары ыытар учууталлар үлэлииллэр, физиотерапия, эмтэниигэ көмөлөһөр физкультура, массаас, гидротерапия курдук, мэдиссиинэ көмөтүнэн чөлгө түһэрии, олоххо-дьаһахха бигэ туруктаах буолууга көдьүүстээх психологическай эрчиллиилэр, юридическай сүбэлэр уо.д.а. ыытыллаллар. Билигин бу кииҥҥэ байыаннай дьайыыларга кыттыбыт дьиэ кэргэннэртэн 2 киһи уонна 5 оҕо чөлгө түһүү куурсун ылаллар.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…