Афанасий Постников: «Оҕо сылыгар биһиги өттүбүтүттэн элбэх үлэ эрэйиллэр»

Саха Өрөспүүбүлүкэтин Баһылыга Айсен Николаев Ил Түмэҥҥэ уонна Бырабыыталыстыбаҕа туһаайан эппит Анал этиитин туһунан «Барҕарыы» пуонда дириэктэрэ, норуот дьокутаата Афанасий Постников санаатын маннык үллэһиннэ:

— Ил Дархан Айсен Николаев Анал этиитигэр 2024 с. эрэ буолбакка, чугастааҕы кэккэ сылга сүдү суолталаах соруктары туруорда. Бу Анал этии хорутуулаах буолла. Өрөспүүбүлүкэ экэниэмикэтин, инфраструктуратын сайыннарыы соругун таһынан, улахан болҕомто патриоттуу иитиигэ, үөрэхтээһиҥҥэ, оҕо хамсааһынын өйөбүлүгэр уурулунна.

Кэлэр 2024 сыл Оҕо сылынан биллэрилиннэ, онон биһиги өттүбүтүттэн эмиэ элбэх үлэ эрэйиллэр. Бу улахан эппиэтинэстээх, биир сүрүн хайысхалаах үлэ буолар. Аҥардас оҕону харыстааһын эрэ буолбакка, үлэҕэ, үөрэххэ уонна кинини иитиигэ сүрдээх улахан болҕомто уурулунна.