Хаартыска: sakha.gov.ru
Саха сирин Ил Дарханын сорудаҕынан, өрөспүүбүлүкэ үлэҕэ уонна социальнай сайдыыга министиэристибэтэ бас билэр тэрилтэлэрин базатыгар байыаннай эпэрээссийэ кыттыылаахтарын уонна кинилэр дьиэ кэргэттэрин социальнай өттүнэн кэлимсэ чөлүгэр түһэрии салҕанар. Бүгүн кэлимсэ чөлүгэр түһэриини байыаннай эпэрээссийэҕэ кыттыбыт 79 киһи уонна кинилэр дьиэ кэргэттэрэ – 73 улахан киһи уонна 42 оҕо аастылар. Бу туһунан брифинг кэмигэр муус устар 13 күнүгэр эрэгийиэн үлэҕэ уонна социальнай сайдыыга миниистирин солбуйааччы Афанасий Постников иһитиннэрдэ.
Инбэлииттэри кэлимсэ чөлүгэр түһэрэр социальнай-чэбдигирдэр өрөспүүбүлүкэтээҕи кииҥҥэ бэйэ дьыалатын арыйарга үөрэтии, хаттаан үөрэтии, социальнай хантараактары түһэрсии ыытыллар. “Байыаннай дьайыы кыттыылаахтарыгар дьарыктаах буолуу сулууспатыгар кэллэхтэринэ идэни баһылааһыҥҥа, салгыы үөрэниигэ сүбэлииллэр уонна салгыы үлэҕэ киирэргэ саҥа эбии идэлэри баһылааһыҥҥа көмөлөһөллөр”, — диэтэ миниистири солбуйааччы.
Юридическай боппуруостарга, федеральнай уонна эрэгийиэннээҕи төлөбүрдэргэ сүбэ-ама биэрэллэр, адаптивнай физическэй култуура уонна успуорт өрөспүүбүлүкэтээҕи киинин гидрокинезотерапия куурустара киирдилэр.
Норуот айымньытын уокуруктааҕы киинин кытта сөбүлэһиинэн тустаах киин байыаннай эпэрээссийэ кытыылаахтарыгар уонна кинилэр дьиэ кэргэттэригэр алгыс сиэрин-туомун ыыталлар. “Бу сиэри-туому “Арчы дьиэтэ” духуобунай култуура киинигэр ыыталлар. Байыаннай эпэрээссийэ кыттыылаахтарыгар уонна кинилэр дьиэ кэргэттэригэр ис туруктарын бөҕөргөтөллөрүгэр, уоскуйалларыгар-холкутуйалларыгар олус туһалаах”, — диэн бэлиэтээтэ Афанасий Постников.
Миниистири солбуйааччы туһааннаах чөлүгэр түһэриини ааһарга олорор сирдэринэн Социальнай көмүскэл управлениетыгар тиийиэхтээхтэр диэтэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…