Афанасий Владимиров: «Айсен Николаев туруорбут соруктарын толорорго биһиги бары бииргэ!»

Ил Дархан Айсен Николаев Ил Түмэҥҥэ уонна Бырабыыталыстыбаҕа туһаайан эппит Анал этиитин туһунан Ил Түмэн бэрэссэдээтэлин солбуйааччы Афанасий Владимиров санаатын үллэстэр:

— Саха Өрөспүүбүлүкэтин баһылыга Айсен Николаев Анал этиитигэр 2024 с. эрэ буолбакка, чугастааҕы кэккэ сылга эмиэ соругу туруорда. Өрөспүүбүлүкэ экэниэмикэтин, инфраструктуратын сайыннарыы соругун таһынан улахан болҕомто патриоттуу иитиигэ, үөрэхтээһиҥҥэ, оҕо хамсааһынын өйөбүлүгэр уурулунна.

Кэлэр 2024 с. Оҕо саас сылынан биллэрилиннэ. Бу бүгүҥҥү күҥҥэ биһиги биир сүрүн сорукпут – оҕолорбутун эйэлээх халлаан анныгар иитэн, үөрэхтээн, дойдуларыгар туһалыыр дьоһун дьон буолан тахсалларын хааччыйыахтаахпыт. Айсен Николаев туруорбут бары соруктарын толорорго биһиги бары бииргэ күүспүтүн холбоон үлэлиэхтээхпит. Иннибит диэки бары бииргэ!