Хаартыска: Ил Түмэн пресс-сулууспата
Бэрэсидьиэн Владимир Путин быһа эпиирэ уонна улахан пресс-кэмпириэнсийэтэ бу сыл ахсынньы 19 күнүгэр «Владимир Путины кытта сыл түмүктэрэ» диэн холбуу ыытыллыаҕа. Маныаха нэһилиэнньэттэн номнуо 1,1 мөлүйүөн кэриҥэ тус ыйытыы киирбит.
Ил Түмэн вице-спикерэ – Судаарыстыбаннай тутууга уонна сокуону оҥорууга кэмитиэт бэрэссэдээтэлэ Афанасий Владимиров бу биһиги өрөспүүбүлүкэбитигэр уонна бүтүн дойдуга улахан суолталаах тэрээһин буоларын бэлиэтээтэ. Бу туһунан Ил Түмэн пресс-сулууспата суруйар.
«Сыл ахсын Владимир Владимирович Путин нэһилиэнньэ олоҕун хаачыстыбатын үрдэтиигэ, дойдуга куттала суох буолууну хааччыйыыга, дойду элбэх омуктаах норуота сомоҕолоһоругар туһуламмыт хайысхалары туруорсар уонна чахчы улахан болҕомтотун уурар», — диэтэ Афанасий Владимиров. Парламентарий билигин маннык улахан тэрээһиҥҥэ Арассыыйа Бэрэсидьиэнэ уопсастыбаны кытта кэпсэтиитин аан дойду үрдүнэн бары кэриэтэ кэтээн көрөллөрүн бэлиэтээтэ.
Бэрэсидьиэн Владимир Путин норуоту уонна уопсастыбаннаһы кытта быһа эпиири ыытыы тэрээһинэ үгэскэ кубулуйда. Бу норуоту кытта кэпсэтэргэ, уопсастыбаттан санаа атастаһыытын хомуйарга, дьону-сэргэни ханнык кыһалҕалар ордук долгуталларын билэр кыаҕы биэрэр.
«Владимир Путины кытта сыл түмүктэрэ» бырагыраама ахсынньы 19 күнүгэр киэһэ 18:00 ч. (мск бириэмэтинэн 12:00 ч.) «Первый», «Россия 1», «Россия 24», НТВ, ОТР, «Мир» ханаалларынан көрдөрүөхтэрэ, «Маяк», «Вести FM» уонна «Радио России» араадьыйаларынан иһитиннэриэхтэрэ.
Хаҥалас улууһун баһылыга Сергей Гребнев иһитиннэрбитинэн, Арассыыйа Дьоруойа Петр Киприянов аҕата Александр Петрович Киприянов «Саллаат…
2024 сыл бүтүүтүгэр, ахсынньыга, Дьокуускайга Марха улууһа төрүттэммитэ 200 сылыгар анаммыт Ньурба улууһун күннэрэ буолан…
Бу сыл сэтинньи 5 күнүттэн сэтинньи 10 күнүгэр диэри Дьокуускай куоракка 1-12 кылаас үөрэнээччилэрэ уонна…
Владивосток куоракка ыытыллыбыт III Уһук Илиннээҕи хор олимпиадаҕа Саха сириттэн «Надежда Туймаады» хор уонна «Северные…
Дьокуускай куорат баһылыга Евгений Григорьев Норуот сомоҕолоһуутун күнүгэр «Сааҕын байыаннай дьайыыга туттар» аахсыйанан байыаннай дьайыы…
Сэтинньи 4-6 күннэригэр өрөспүүбүлүкэҕэ үһүс төгүлүн ыытыллар "Народ и армия едины" диэн Фашизмы утары пуорум…