Хаартыска: Аҕа дойду буойуннарын дьиэ кэргэттэрин кэмитиэтэ
Саха сиригэр «Саха Өрөспүүбүлүкэтин Аҕа дойду буойуннарын дьиэ кэргэттэрин кэмитиэтэ» автономнай кэммиэрчэскэйэ суох тэрилтэ уонна Нуучча православнай таҥаратын дьиэтин Дьокуускайдааҕы епархията бииргэ үлэлээһин туһунан сөбүлэҥҥэ илии баттастылар.
Кэмитиэттэн тэрээһиҥҥэ салайааччы бастакы солбуйааччыта Альбина Винокурова, салайааччы солбуйааччыта Саргылана Неустроева уонна Анаабыр улууһун ыстаабын салайааччыта Зинаида Спиридонова кытыннылар.
Таҥара үлэһиттэриттэн — Дьокуускайдааҕы уонна Өлүөнэтээҕи Архиепископ Роман, ону тэҥэ саха буойуттарыгар анаммыт бастакы пааматынньык-храм настоятелэ иеромонах Гермоген бааллара. Брифиҥҥэ тыл этэригэр Альбина Винокурова анал байыаннай дьайыы кыттыылаахтарын дьиэ кэргэттэригэр, ордук өрөспүүбүлүкэ ыраах уонна Арктика улуустарыгар, духуобунай-психологическай өйөбүл улахан суолталааҕын тоһоҕолоон бэлиэтээтэ.
Кини соторутааҕыта Валаамҥа сылдьыбыт санаатын үллэһиннэ уонна байыаннай сулууспалаахтар аймахтарын уонна чугас дьоннорун духуобунай чөлүгэр түһэриигэ уонна психологическай реабилитацияҕа туһуламмыт «Валаам. Уһуктуу арыыта» бырайыагы билиһиннэрдэ.
Өлбүт дьоруойдар ааттарын үйэтитиигэ, ону тэҥэ инники кирбиигэ сылдьар дьону өйүүргэ Кэмитиэт үлэтигэр туспа болҕомто уурулунна. Винокурова Архиепископ Романҥа бэлиэ бэлэҕи — Саха сирин оҕолорун илиилэринэн оҥоһуллубут үрүҥ эһэни туттарда.
«Z» буукубалаах футболкалаах оонньуур иһигэр «Тыыннаах буол!» диэн суруктаах кыракый сүрэҕи харайар — бу бэлиэ сыһыаннаах буолуу уонна көлүөнэлэр икки ардыларынааҕы духуобунай ситим дьаралыктара буолла. Көрсүһүү түмүгүнэн илии баттаммыт сөбүлэҥ бу хайысхаларынан бииргэ үлэлээһини көрөр: байыаннай сулууспалаахтар дьиэ кэргэттэригэр уонна байыаннай дьайыы кыттыылаахтарыгар духуобунай-психологическай көмө, кэриэстэбил тэрээһиннэри уонна патриотическай бырайыактары тэрийии, үгэс буолбут дьиэ кэргэн уонна духуобунай сыаннастары харыстааһын эйгэтигэр сырдатар үлэ. СӨ Аҕа дойду буойуннарын дьиэ кэргэттэрин кэмитиэтэ 2023 сыл тохсунньутугар РФ Бэрэсидьиэнэ Владимир Путин көҕүлээһининэн, эрэгийиэн баһылыга Айсен Николаев көхтөөх өйөбүлүнэн тэриллибитэ. Кэмитиэт Аҕа дойду көмүскээччилэрин уонна кинилэр дьиэ кэргэттэрин өйүүргэ туһуламмыт уопсастыба күүһүн-уоҕун түмэр суолталаах тэриллиинэн буолла.
Ленскэй оройуонун суута чааһынай урбаанньыты РФ Административнай быраабы кэһиитин туһунан кодексатын 6.6 ыстатыйатынан административнай быраабы…
Кинигэни таптааччылар 1-кы бэстибээлин кыттааччылара да, көрө кэлбит дьон да олус сөбүлээтилэр. Любовь Горохова-Матвеева (Сүүмэх)…
Субуотаҕа, атырдьах ыйын 9 күнүгэр, түүн алта планета параадын кытта сөп түбэһэр сэдэх астрономическай көстүү…
Аан дойдутааҕы кинигэни таптааччылар күннэрин чэрчитинэн бүгүн Эргэ куоракка аан бастаан кинигэни таптааччылар 1-кы бэстибээллэрэ…
…Төһө да ардахтаах күн буоллар, Сардаана бэркэ сэргэхсийэн турда. Бүгүҥҥү былаана үгүс, онон үөрэ-көтө сарсыардаттан…
Физкультурник күнүн көрсө Нам улууһун Түбэ нэһилиэгэр саха ааттаах-суоллаах күрэсчитэ, «Дыгын оонньууларын» 6 төгүллээх кыайыылааҕа Николай…