Аҕа дойду Дьоруойдарын күнүгэр анал байыаннай эпэрээссийэ кыттыылаахтарыгар наҕараадалары туттардылар.
Бүгүн, ахсынньы 9 күнүгэр, Аҕа дойду Дьоруойдарыгар анаммыт күҥҥэ, Өрөспүүбүлүкэ саалатыгар наҕараадалары туттарыы долгутуулаах тэрээһинэ буолла. Саалаҕа мустан олорооччуларга Ил Дархан Айсен Николаев туһаайан эттэ:
«Биһиги хорсун-хоодуот быһыыларынан норуот киэн туттуутун ылбыт, Ийэ дойдуга бэриниилээх буолуу холобурун көрдөрбүт дьоммутугар дириҥ ытыктабылбытын биллэрэбит. Суостаах кэмнэргэ мөлүйүөнүнэн дойдулаахтарбыт Ийэ дойду көмүскэлигэр биир киһи курдук турбуттара, көҥүл иһин күүстэрин-уохтарын, олохторун биэрбиттэрэ», — диир Ил Дархан.
Айсен Николаев бэлиэтээбитинэн, Саха сирин дьоно күүстээх санаалаахтарынан, уустук балаһыанньаҕа көмөҕө кэлэр доҕордуу сыһыаннарынан уратылар. Дьоруой көлүөнэ утумнааччылара кинилэр хорсун-хоодуот быһыыларын салгыыллар.
Бу күн анал байыаннай эпэрээссийэҕэ кыттыбыт Вадим Алаков, Захар Дьячковскай дьонноругар «Эр санаа» уордьаннарын, «За спасение погибавших» мэтээли СӨ Идэҕэ уонна үөрэххэ бэлэмнээһин киинигэр дириэктэрдээбит Николай Захаров кэргэнигэр туттардылар. Тэрээһин кыттыылаахтара дьоруойдар ааттарыгар сүгүрүйэн саҥата суох соҥуоран турдулар.
Мустубут дьоҥҥо туһаайан Марина Бахилина туох барыта оҕо саастан саҕаланарын, ийэлэр, аҕалар, төрөппүттэр Ийэ дойдуга, айылҕаҕа тапталы, улахан дьоҥҥо ытыктабылы, бэриниилээх уонна эппиэтинэстээх буолууга иитэллэрин-үөрэтэллэрин эттэ.
Бу күн анал байыаннай эпэрээссийэ кыттыылааҕа, Дьокуускайдааҕы мэдиссиинэ кэллиэһин устудьуона Владимир Диодоров – Лаврентьев РФ МЧС «За спасение погибающих на водах» мэтээлинэн наҕараадаланна. «Боотур» этэрээт чилиэттэрэ, анал байыаннай эпэрээссийэ кыттыылаахтара Олег Аммосов, Батор Васильев, Владимир Исаков, Софрон Пономарев, Лев Слепцов, Юрий Слепцов «Саха АССР сыла» үбүлүөйдээх бэлиэни туттулар.
Анал байыаннай эпэрээссийэ кыттыылааҕа, «Боотур» добровольческай этэрээт хамандыыра Александр Колесов «биһигини бу кэм бэйэтэ талбыт» диэн эттэ:
«Сырдык тыыннарын толук уурбут байыастарбыт тустарынан өйдөбүлү иҥэрэн илдьэ сылдьар ытык иэстээхпит. Кинилэр ааттара Дьоруойдар аллеяларыгар кыһыл көмүс буукубанан суруллуохтаах», — диэтэ кини.
Аҕа дойду Дьоруойдарын күнүгэр анаммыт тэрээһиҥҥэ хас да көлүөнэ кытынна — үлэ бэтэрээннэрэ, бойобуой дьайыылар бэтэрээннэрэ уонна кыттыылаахтара, устудьуоннар, курсаннар, үөрэх тэрилтэлэрин ыччаттара.
СӨ Ил Дархан уонна СӨ Бырабыытаплыстыбатын пресс-сулууспата
Хаартыскаларга Мария Васильева (СИА) түһэриитэ
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…
Нассынаалынай байыаннай оскуоланы бүтэрбит сержант Семен Петрович Жирков төрөөбүт-үөскээбит Намыгар тахсан 1939-1941 сылларга байыаннай остуол…