Хаартыска: СӨ Ил Дарханын уонна Бырабыыталыстыбатын пресс-сулууспата
Сыл саҕаланыаҕыттан «Аҕа дойду көмүскээччилэрэ» пуонда Саха сиринээҕи салаатыгар мэдиссинискэй өттүнэн арыаллааһын боппуруостарынан 1200-тэн тахса сайабалыанньа көрүлүннэ.
Бу туһунан брифинг кэмигэр пуонда филиалын салайааччытын мэдиссиинискэй өттүнэн арыаллааһыҥҥа солбуйааччыта Татьяна Никифорова иһитиннэрдэ.
«400-тэн тахса киһи психологическай көмөнү ылла. „Өрөспүүбүлүкэтээҕи психолого-педагогическай арыаллааһын методическай киинэ“ эбии профессиональнай үөрэхтээһин судаарыстыбаннай бүддьүөт тэрилтэтин кытта сөбүлэһии чэрчитинэн, кризиснэй психологтар анал байыаннай эпэрээссийэҕэ охтубут кыттааччылар оҕолоругар психологическай көмөнү оҥорууну салгыыллар», — диэн кэпсээтэ Татьяна Никифорова.
Бойобуой дьайыылар бэтэрээннэрин мэдиссиинискэй көмөнөн хааччыйыы сүрүн хайысханан хаалар. Судаарыстыбаннай гарантиялар бырагыраамаларыгар сөп түбэһиннэрэн, специализированнай, үрдүкү технологиялаах, паллиативнай мэдиссиинискэй көмөнү, ону тэҥэ мэдиссиинискэй реабилитация өҥөлөрүн оҥорууга ураты усулуобуйалар көрүлүннүлэр.
Бырагыраама бары балаһыанньалара толору кээмэйинэн Саха сирин 2025–2027 сылларга аналлаах территориальнай бырагырааматыгар киллэрилиннилэр. Пуонда санатарынан, көмөнү ыларга сыһыарыллыбыт социальнай координатордар нөҥүө тахсыахха наада. Ону таһынан, дьон сүбэ-ама ылыахтарын уонна докумуоннары быһаччы пуонда филиалыгар бу аадырыһынан туттарыахтарын сөп: Дьокуускай к., Ойуунускай уул., 41/1. Сиһилии: https://www.sakha.gov.ru/news/7961
СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…
РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…
Бүгүн, атырдьах ыйын 31 күнүгэр, өрөспүүбүлүкэ икки улууһугар быстах кэмҥэ өрөмүөн үлэтэ ыытылларынан сибээстээн, күн…
Бүгүҥҥү күн Кыыс бэлиэтигэр киирэн, биһигиттэн чопчу буолууну, болҕомтону уонна олоҕу сааһылааһыны ирдиир. Дьыалаҕа-куолуга, үлэҕэ-хамнаска,…
Өрөспүүбүлүкэ үгүс улуустарынан бүгүн, атырдьах ыйын 31 күнүгэр, сөҥүүтэ суох, сылаас күн. Сорох сиринэн быстах…
Үнүр солуоҥҥа тыҥырах оҥорторо тиийдим. Дьоҕус остуолга “Хаас оҥорторорбор гепатит, СПИД, сифилис уо. д. а. ыарыылар сыстыахтарын…