«Аҕа дойду көмүскээччилэрэ» судаарыстыбаннай пуонда филиалыгар 2023 сыл бэс ыйын 1 күнүттэн 600-тэн тахса киһиэхэ босхо юридическай көмө оҥоһулунна. Бу туһунан бүгүн, бэс ыйын 25 күнүгэр, брифиҥҥэ Саха сиригэр «Аҕа дойду көмүскээччилэрэ» судаарыстыбаннай пуонда салайааччытын солбуйааччы Александр Захаров иһитиннэрдэ.
«Пуонда филиалын кытта СӨ Борокуратууратын, Киһи быраабын боломуочунайын, Адвокатскай уонна нотариальнай балааталарын кытта босхо юридическай көмөнү оҥоруу туһунан сөбүлэһиилэр түһэрсиллибиттэрэ», – диэн Александр Захаров кэпсээтэ. Кини этэринэн, эпиэкэҕэ сылдьар дьон социальнай координатордарын кытта сибээстэһэллэр уонна юридическай боппуруостарга суруттараллар.
«Эрдэтинэ суруттарыы байыастар кыһалҕаларын чопчу быһаарарга наадалаах. Инникитин сокуону тупсарар сыалтан этиилэри хомуйан, сөптөөх иһитиннэриилэр Юстиция министиэристибэтигэр уонна атын судаарыстыбаннай урганнарга ыытыллаллар. Итиэннэ эпиэкэҕэ сылдьар дьон босхо юридическай көмө киинигэр тахсыахтарын сөп: Дьокуускай к., Ленин пр. 28 дь., 2 этээс, 209 хос», – диэтэ Саха сиригэр «Аҕа дойду көмүскээччилэрэ» судаарыстыбаннай пуонда салайааччытын солбуйааччы Александр Захаров.
«Маны таһынан СӨ Борокуратууратын филиалын былаһааккатыгар ый ахсын иккис уонна төрдүс бээтинсэ күнүгэр күүтэллэр. Ыйга биирдэ байыаннай борокурурор кыттыылаах холбоһуктаах дьону кытта көрсүһүү оҥоһуллар. Бэнидиэнньиккэ уонна сэрэдэҕэ туһааннаах адвокат приемнуур. Ону тэҥэ ый аайы Саха сиригэр Киһи быраабыгар боломуочунайа көрсүһүү ыытар. ФССП уонна Саха сирин нотариальнай балаататын управлениетын эппиэттээх үлэһиттэрэ филиалы кытта сибээстэһэллэр», — диэтэ Александр Захаров.
Санатан эттэххэ, «Аҕа дойду көмүскээччилэрэ»судаарыстыбаннай пуонда филиала Дьокуускай куорат Ойуунускай аатынан уулусса 41/1 дьиэ аадырыһыгар гражданнары кытта көрсүһүү ыытар.
Ытык Күөлгэ 450 миэстэлээх лиссиэй, 100 миэстэлээх интэринээтин кытта тэҥинэн тутулла турар. [gallery ids="157377,157378,157379,157380"] Уота-күөһэ…
– Биир кыһалҕалаах боппуруоһунан тиийдибит. Кырдьаҕас ийэбитин быстах кэмҥэ түүҥҥү өттүгэр көрөр киһиэхэ – сиделкаҕа…
Өрөспүүбүлүкэ Судаарыстыбаннаһын күнүгэр тирэхтээхтик сайдыы V Хотугу пуорумун чэрчитинэн Дьокуускай куоракка Хотугу пуорум оскуолаларын Ассоциацията…
Кэлиҥҥи кэмҥэ куйаар ситиминэн араас сыһыарыылары оҥорон, дьон олоҕун-дьаһаҕын чэпчэтии, билиитин көрүүтүн кэҥэтии үксээбитэ кэрэхсэбиллээх.…
(Бүтүүтэ. Иннин манна ааҕыҥ). – Назар Иннокентьевич, кэлиҥҥи командировкаларыҥ бастакыттан төһө уратылаахтарый? – Билигин байыаннай…
– Биллэриилэри көрдөххө, сир учаастага бөҕө атыыланар. Сир учаастагын атыылаһарга тугу болҕомтоҕо ылыахха нааданый? Хайдах…