«Аҕа дойду көмүскээччилэрин» пуондата байыаннай дьайыы дьоруойдарыгар аналлаах пааматынньык бырайыагын оҥорууга Бүтүн Арассыыйатааҕы куонкуруһу биллэрдэ

Бу анал байыаннай дьайыы бэтэрээннэрин үйэтитиигэ туһуламмыт көҕүлээһин ааптардарынан «Аҕа дойду көмүскээччилэрэ» пуонда уонна Москватааҕы үп-быраап үнүбэрсиэтэ буолаллар.

Куонкуруска ким баҕарар кыттыан сөп, ол иһигэр анал байыаннай дьайыы кыттыылаахтра уонна кинилэр дьиэ кэргэттэрэ. Куонукруска үлэлэри ылыы олунньу 28 күнүгэр диэри ыытылыаҕа.

Куонкуруска кыттыан баҕалаах киһи Федеральнай казначейство саайтыгар сайабылыанньа толоруохтаах. Онно куонкурус усулуобуйатын эмиэ билсиэн сөп.

Кыайыылаахтар уонна дипломаннар кулун тутар ыйга биллиэхтэрэ. Кинилэри монументальнай уонна уруһуй искусствотын эйгэтигэр идэлээх сойуустар бэрэстэбиитэллэрин хамыыһыйата уонна күрэхтэһиини тэрийээччилэр быһаарыахтара.