Ыам ыйын 6 күнүгэр Аҕа дойду сэриитигэр Кыайыы 79 сылыгар аналлаах «Этот день мы приближали, как могли…» диэн тэрээһин буолла.
Өрөспүүбүлүкэ салалтатын аатыттан Улуу Кыайыы күнэ чугаһаабытынан СӨ Бырабыыталыстыбатын бэрэссэдээтэлин солбуйааччы Георгий Степанов эҕэрдэлээтэ.
«Бу бэлиэ күн, бырааһынньык биһиги норуоппут өйүгэр-санаатыгар үйэлэргэ хаалыаҕа. Ол өйдөбүнньүгү Арҕаа дойдулар дураһыйыылара да, утары турааччылар киирэ-тахса сатааһыннара да симэлитэр кыахтара суох. Тоҕо диэтэххэ, хас да сыллаах кырыктаах сэрии, хас да мөлүйүөнүнэн сүтүк биһиги сүрэхпитигэр уонна өйбүтүгэр-санаабытыгар эрэ хаалбатаҕа, бүтүн Арассыыйа норуотун өйүгэр-санаатыгар хаалбыта. Бу күн биһиэхэ саамай улахан кылааты киллэрбит сэбиэскэй норуот Улуу Кыайыытынан буола туруоҕа. Бүгүн биһиги бэтэрээннэрбитигэр сүгүрүйэбит», -– диэтэ Георгий Степанов. Вице-премьер дойду уонна Саха сирин инникитэ ыччат илиитигэр баарын тоһоҕолоон бэлиэтээтэ.
Долгутуулаах тэрээһиҥҥэ уоттаах сэрии толоонугар сырдык тыыннарын толук уурбуттары, сураҕа суох сүппүттэри, тыылга кыайыыны уһансыбыттары кэриэстээн, биир мүнүүтэ саҥата суох турдулар.
Саха сирэ дьоруойдуу уонна хорсун быһыытытан Аҕа дойду сэриитин устуоруйатыгар чаҕылхай суолу хаалларбыта. Саха сирин 24 буойуна Сэбиэскэй Сойуус дьоруойунан, биир байыас Арассыыйа Федерациятын дьоруойунан буолбута. Тыһыынчанан уолаттар уонна кыргыттар бойобуой уордьаннарынан уонна мэтээллэринэн наҕараадаламмыттара. Өрөспүүбүлүкэ олохтоохторо тыылга тыа хаһаайыстыбатын бородууксуйатыгар судаарыстыба былаанын аһара толорбуттара.
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…