«Аҕа дойду сулууспатыгар култуура» саҥа бырайыак үлэлээтэ

Саха сиригэр анал байыаннай  дьайыы кыттыылаахтарын дьиэ кэргэттэрин өйүүргэ  «Аҕа дойду сулууспатыгар култуура» саҥа бырайыагы үлэлэттилэр.

Бу туһунан Саха сирин буойуннарын дьиэ кэргэттэрин кэмитиэтин бэрэссэдээтэлин солбуйааччы Альбина Винокурова иһитиннэрдэ. Бырайыагы көҕүлээччилэринэн Аҕа дойду сэриитигэр дьиэ кэргэттэрин кэмитиэтэ уонна  Опера уонна балет сужаарыстыбаннай тыйаатыра буолаллар.

Альбина Винокурова этэринэн, бырайыак байыаннай сулууспалаахтар дьиэ кэргэттэрин духуобунас өттүнэн өйүүргэ туһуланар. Ийэлэр, аҕалар, байыастар дьиэ кэргэттэрин чилиэттэрэ  бастакы тэрээһининэн «Ромео уонна Джульетта» балетка сырыттылар. Билиэттэри байыаннай дьайыы кыттыылаахтарын дьиэ кэргэттэригэр бэлэх анаатылар.

Кыттааччылар ону кытта Култуура уонна аныгы ускуустуба киинигэр буолан ааспыт ХІІ  «Северное сияние» Арктика музыкальнай бэстибээлин сабыллыытын кэнсиэригэр сырыттылар. Бырагыраамаҕа Саха сирин музыканнарын үлэлэрэ, улуу композитордар айымньылара тыаһаатылар.

Альбина Винокурова дьиэ кэргэттэри  духуобунас өттүнэн өйүүр олус суолталааҕын бэлиэтээтэ. «Биһиги сүрүн сорукпут — байыаннай сулууспалаахтар дьиэ кэргэттэригэр кыһамньыбытын көрдөрүү. Ускуустуба улахан дьоҥҥо да, оҕолорго да үөрүүнү бэлэхтиир уонна эмтиир дьикти дьайыылаах», — диэн Альбина Винокурова бэлиэтээтэ. Саха сирин байыастарын дьиэ кэргэттэрин кэмитиэтэ  кыттааччыларга уонна партнердарга махталын тиэрдэр.