Хаартыска: «Якутия» авиахампаанньа
Бу күннэргэ «Якутия» авиахампаанньа Нерюнгри-Москва хайысханан ураты рейсин оҥордо. Бу рейсинэн оккупацияны туораабыт, Аҕа дойду Улуу сэриитин бэтэрээнэ Мария Хабибулловна Абдулина көппүт.
Фашистар кинини төрөөбүт Геническ куораты былдьыыр кэмнэригэр кини 12 саастаах эбит. Ийэтэ уонна икки убайын кытта кыыс тыйыс тымныыга конвойдаах 200 гр кэриэрбит килиэп туһугар үлэлээбит. Куорат босхоломмутун кэннэ дьиэ кэргэнинэн Сталино куоракка көспүттэр (билигин Донецкайга). Онно Мария үөрэммит, үлэлээбит, ыал буолбут. Хомойуох иһин, 2014 с. сэрии кини олоҕор хаттаан эргиллибит. Мария Хабибулловна дьиэтигэр хаалыан баҕарбыт эрээри да, 2018 сыллаахха Арассыыйаҕа ыарахан турухтаах аҕалбыттар. 2023 сыллаахха бэтэрээн Арассыыйа пааспарын ылбыт.
Билигин Мария Хабибуловна кыыстаах, икки сиэннээх уонна түөрт хос сиэннээх. 95 сааһыгар Москваҕа Кыайыы параадыгар бочуоттаах ыалдьыт быһыытынан ыҥырыллыбыт.
«Мин Улуу Кыайыы 80 сылын көрсөбүн!» — диэн кини киэн туттан этэр. «Якутия» авиахампаанньаҕа болҕомтотун уонна ытыктабылын иһин махтаныахпын баҕарабын. Итиэннэ экипажка, пилоталарга уонна кыргыттарга улахан махтал».
Санатан эттэххэ, «Якутия» АХ «Кыайыы күнэ» аһымал аахсыйаны ыытар. Сыл устата Аҕа дойду Улуу сэриитин бэтэрээннэрэ босхо көтүөхтэрин сөп.
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай оскуола-интэринээт иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…
2023 сыл тохсунньутугар ФАПК «Якутия» АУо тэрилтэтигэр утах кутар лииньийэҕэ көрөр-истэр үлэһит дьахтар эчэйбит. Үлэ…