Аҕа дойду Улуу сэриитин бэтэрээнэ Петр Константинович Яковлев олохтон туораата

Аҕа дойду Улуу сэриитин бэтэрээнэ Петр Константинович Яковлев олохтон туораата. Бу туһунан СӨ Үлэҕэ уонна социальнай сайдыыга министиэристибэтэ иһитиннэрдэ. 

Петр Константинович Яковлев 1925 сыллаахха от ыйын 12 күнүгэр Сунтаар улууһугар төрөөбүт. 1944 сыл бэс ыйыгар Сэбиэскэй Аармыйа кэккэтигэр ыҥырыллан, 61-с тааҥкалаах дивизия 61-с мотострелковай полкатыгар минометчигынан сулууспалаабыт.

Бэтэрээн Маньчжурияны дьоппуон импэрийэлиистэриттэн босхолооһуҥҥа кыттыбыт. Кэргэнинээн, Ирина Николаевналыын, түөрт оҕоломмуттар. Петр Константинович улахан дьиэ кэргэнигэр тапталлаах эһээ, хос эһээ аатын чиэстээхтик сүгэр.

Петр Яковлев сэриигэ алта сылы быһа сылдьыбыта. 1950 сыллаахха дойдутугар кэлэн баран, Ленинградтааҕы университекка үөрэммитэ. Кини Сунтаардааҕы ССКП райкомугар, «Элгээйи» сопхуос парткомун сэкиритээринэн, САССР Миниистирдэрин сэбиэтин инструкторынан, о.д.а. 70 сааһын ааһыар диэри үтүө суобастаахтык үлэлээбитэ.