Хаартыска: СӨ Ил Дарханын уонна Бырабыыталыстыбатын пресс-сулууспата
Бүтүн Арассыыйатааҕы «Аҕа дойдуга сулууспа» сырдатар аахсыйатын чэрчитинэн, Арассыыйатааҕы «Билии» уопсастыбатын өйөбүлүнэн, Дьокуускай куорат «Арктика уонна космос» оҕо лааҕырыгар «Ким Аҕа дойдуну көмүскүүрүй?» диэн тиэмэҕэ лиэксийэ ыытылынна, диэн «Аҕа дойду көмүскээччилэрэ» пуонда салаата иһитиннэрдэ.
Эдэр истиээччилэр иннилэригэр байыаннай дьайыы бэтэрээнэ, пуонда салаатын социальнай координатора уонна Арассыыйатааҕы «Билии» уопсастыбатын лектора Алексей Лупеев тыл эттилэр. Кини сулууспалыы сылдьыбыт бэйэтин уопутуттан үллэһиннэ, Арассыыйа байыаннайдарын хорсун быһыытын уонна дьоруойдуу дьулуурун туһунан кэпсээтэ, ону таһынан оҕолорго патриот буолуу диэн тугун быһаарда. «Бүгүн патриот буолуу — кэккэҕэ туруохха бэлэм буолуу эрэ буолбатах. Бу — чиэһинэй үөрэх, чугас дьоҥҥо көмө, өйдөбүнньүгү харыстааһын. Дьиҥнээх дьоруойдуу быһыы кыраттан саҕаланар — төрөөбүт сиргэ тапталтан», — диэн Алексей Александрович бэлиэтээтэ.
Тэрийээччилэр иһитиннэрэллэринэн, көрсүһүү истиҥ кэпсэтии уонна бэйэ-бэйэни ытыктаһыы эйгэтигэр ааста. Оҕолор Арассыыйа буойуннарын хорсун быһыыларын туһунан кэпсээннэри болҕойон иһиттилэр, онтон кэпсэтии кэнниттэн Аҕа дойду көмүскээччилэрин сулууспаларын уонна дьоруойдуу быһыыларын туһунан төһө кыалларынан элбэҕи билиэхтэрин баҕаран, көхтөөхтүк ыйытыылары биэрдилэр.
«Арктика уонна Космос» оҕо чэбдигирдэр лааҕырыгар үөрэнээччилэр бырайыактыыр, научнай-чинчийэр үлэ дьуоҕурдарын баһылыыллар. Кинилэргэ идэҕэ туһаайар научнай-практическай экскурсиялары, лекторийдары, үөрэтэр оонньуулары уонна киинэлэри тэрийэллэр, интэриэһинэй дьону кытта билиһиннэрэллэр.
«Аҕа дойдуга сулууспа» Бүтүн Арассыыйатааҕы аахсыйа «Аҕа дойду көмүскээччилэрэ» пуонда уонна Арассыыйатааҕы «Билии» уопсастыба өйөбүлүнэн ыытыллан, дойду үрдүнэн бэтэрээннэри уонна ыччаты түмэр. Сүрүн сыала-соруга — дьоруойдар хорсун быһыыларын туһунан өйдөбүнньүгү үйэтитии уонна кэнчээри ыччакка Аҕа дойдуга тапталы, ону көмүскүүргэ бэлэм буолууну иҥэрии буолар.
Төрдүс сылын анимация уонна дубляж устуудьуйалара үлэлиир «Тооку» оҕо телеханаала «Тооку уонна Чысхаан» диэн саҥа…
Балаҕан ыйын 1 күнүттэн күүһүгэр киирэр уурааҕынан дойдуга орто хамнаһы быһаарар саҥа бэрээдэк үлэһиттэргэ хас…
Аллайыаха оройуонун Чокуурдаах бөһүөлэгэр бу сыл бүтүөр диэри кирдээх ууну ыраастыыр ыстаансыйаны үлэҕэ киллэрэри былаанныыллар.…
Александра Иванова номнуо сүүрбэ биэс сыл устата сөбүлүүр дьыалатыгар – тапталлаах «Сэттис халлаан» кафеҕа дьону-сэргэни…
Бүгүн Саха сириттэн төрүттээх «Хаҥыл» позывнойдаах байыаннай сулууспалаах Саха сирин олохтоохторугар туһаайан, байыаннай дьайыы буойуннарыгар…
Бу сыл от ыйын 31 күнүнээҕи туругунан, Саха сиригэр нэһилиэнньэҕэ гааһынан хааччыллыыга иэһин суумата уопсайа…