Аҕа дойдуну көмүскээччи кэргэнигэр бэриллэр босуобуйа үрдээтэ

Аҕа дойдуну көмүскээччи кэргэнигэр, оҕо күүтэр дьахтарга бэриллэр босуобуйа суумата олунньу 1 күнүттэн үрдээтэ. Бу туһунан Социальнай пуонда иһитиннэрэр.

Онон, олунньу 1 күнүттэн бу босуобуйа суумата 45 054 солкуобайга тэҥнэстэ. Бу босуобуйа ый аайы буолбакка, биирдэ эрэ бэриллэр.

Кэргэннэрэ аармыйаҕа сулууспалыыр, эбэтэр, байыаннай училище (үөрэх кыһатын байыаннай кафедратын) бастакы кууруһугар үөрэнэр буоллахтарына, төлөнөр.

Босуобуйа кээмэйэ сыл устата уларыйбат, ол эрээри сыллата индексацияланар. Дьахтар хат буолбута 180 хонуктан тахсыбыт буолуохтаах.

Докумуону биэрии судургу, «Госуслуги» портал нөҥүө, эбэтэр, Социальнай пуонда килийиэннэрин сулууспатыгар, Элбэх өҥөнү оҥорор кииҥҥэ баран, биэриэххэ сөп.