https://www.sakha.gov.ru/
Саха сирин суһал ыстааба Аҕа дойдуну көмүскээччи күнүгэр анаан байыаннай сулууспалаахтарга хас да тыһыынча бэлэҕи бэлэмнээтэ. Бу туһунан СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыы миниистирин солбуйааччы Яна Наумова брифинг кэмигэр иһитиннэрдэ.
Бэлэх улахан аҥаара Ростовскай уобаласка, ДНР-га баар өрөспүүбүлүкэ тирэх пууннарыгар тириэрдиллиэҕэ. Сорох нобуордары Москва, Санкт-Петербург, Хабаровскай, Улан-Удэ, Владивосток госпиталларыгар сытар бааһырбыт байыастарга илдьиэхтэрэ.
Маны таһынан миниистири солбуйааччы бу нэдиэлэҕэ байыаннай дьайыы сиригэр өрөспүүбүлүкэттэн уочараттаах гуманитарнай көмөнү илдьиэхтэрин туһунан эттэ.
«Аҕыс тырааныспар — Дьокуускайтан итиэннэ икки — Нерюнгриттэн, биирэ — Алдантан илдьиллиэхтэрэ. Ону сэргэ график быһыытынан аадырыстаах баһыылкалары байыаннай сулууспалаахтарга тириэрдиэхтэрэ», – диэн Яна Наумова бэлиэтээн эттэ.
Ил Дархан Айсен Николаев Ил Түмэҥҥэ Туһаайан этиитигэр байыаннай дьайыыга инники кирбиигэ тыһыынчанан тырааныспар, пилота суох аппарааттар, хараҥаҕа көрөргө прибордар (прибор ночного видения), сибээс сириэстибэлэрэ уонна да атын тэриллэр тириэрдиллибиттэрин туһунан этэн турар.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…