пресс-сулууспа
Байыаннай дьайыы бэтэрээнэ, Аҕа дойдуну көмүскээччилэр куубактарын Бүтүн Арассыыйатааҕы финалын призера, Саха сирин олохтооҕо Алексей Антипин байыаннай дьайыы бэтэрээннэрин ортотугар Аҕа дойдуну көмүскээччилэр куубактарын Уһук Илиннээҕи түһүмэҕэр кыайыы иһин кыттыаҕа.
“Быйыл үс көрүҥҥэ кыттабын: олорон эрэ волейбол, пауэрлифтинг, ох саанан ытыы. Успуорт көмөтүнэн физическэй көрүҥмүн чөлүгэр түһэрдим, бэйэбэр эрэллээх буоллум. Саха сирин туһугар бу күрэхтэһиилэргэ бэлэмнэнэбит”, — диэтэ Алексей Антипин.
Алексей бойобуой суола 2022 сыллаахха саҕаламмыта, диэн Саха сиригэр “Аҕа дойдуну көмүскээччилэр” госпуонда филиалыгар кэпсээтилэр.
Байыаннай дьайыы бэтэрээнэ артиллерия биригээдэтин бууска самоходнай-артиллерия дивизионун расчетун ыстаарсай наводчигынан сулууспалаабыта. Биир киирсиигэ кини самоходнай тэрилэ эмсэҕэлээбитэ, экипаж ыарахан эчэйиини ылбыта. Ол кэнниттэн эмтэнии уонна чөлүгэр түһүү күүппүтэ.
Бу уустук кэмигэр киниэхэ аҕата уонна бырааттара көмөлөспүттэрэ, онтон 2023 сылтан – “Защитники Отечества” пуонда филиала.
Пуонда филиалын көмөтүнэн Алексей үрдүк технологиялаах протеһы ылбыта, “С кибатлетикой строим будущее” кэлимсэ чөлүгэр түһэрэр бырагыраама кыттыылааҕа буолбута.
Былырыын Алексей Антипин оҕунан ытыынан дьарыктаммыта, оттон “Кубок Защитников Отечества” бастакы эрэгийиэннээҕи кэлимсэ тэрээһиҥҥэ армрестлиҥҥэ холоммута. Чаҕылхайдык дебюттаабыта, оҕунан ытыыга эрэ буолбакка, бу көрүҥҥэ эмиэ кыайбыта.
Бу кэмтэн ыла кини успуордунан көхтөөхтүк дьарыктанар. Бүгүн Алексей – өрөспүүбүлүкэтээҕи күрэхтэһиилэр элбэх төгүллээх кыайыылаахтара уонна призердара, Уһук Илин федеральнай уокуругун Аҕа дойдуну көмүскээччилэр Куубактарын үрүҥ көмүс призера.
Чөмпүйүөннэр баалларыгар Арассыыйа Дьоруойа Игорь Юргин Алексей Антипиҥҥа СӨ Физическэй култуураҕа уонна успуорка министиэристибэтин анал наҕараадатын – “За вклад в развитие спорта среди ветеранов специальной военной операции” туттарбыта.
Бэтэрээн Уһук Илиҥҥи түһүмэххэ Южнай-Сахалинскайга бэтэрээннэр ортолоругар кыттыаҕа.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/7832
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…
СӨ Бырамыысыланнас уонна геология миниистирэ Максим Терещенко 2025 сыл от ыйын 10 күнүгэр, чэппиэргэ, СӨ…
Атырдьах ыйын 1 күнүттэн хас да категориялаах гражданнар биэнсийэлэрэ улаатар, диэн РФ Бырабыыталыстыбатын иһинэн үлэлиир…