Хаартыска: sakhagov.ru
Сыл саҕаланыаҕыттан «Аҕа дойдуну көмүскээччилэр» судаарыстыбаннай пуонда Саха сиринээҕи салаатын көмөтүнэн, байыаннай дьайыылар бэтэрээннэрэ, өлбүт сулууспалаахтар дьиэ кэргэттэрэ кыттыылаах 200-тэн тахса тэрээһин ыытылынна.
От ыйын 10 күнүттэн 14 күнүгэр диэри Южно-Сахалинскайга анал байыаннай дьайыы бэтэрээннэрэ кыттыылаах Аҕа дойдуну көмүскээччилэр эрэгийиэннэр икки ардыларынааҕы кубоктара буолан ааста. Уһук Илиҥҥи федеральнай уокурук 11 эрэгийиэниттэн 100-тэн тахса бэтэрээн кытынна.
Быйыл бэтэрээннэр сыалы ытыыга, остуол тенниһигэр, пауэрлифтиҥҥэ, ох саанан ытыыга уонна олорон эрэ оонньуур волейболга күрэхтэстилэр. Бырагыраамаҕа аан бастаан саҥа көрүҥнэр киирдилэр: быһаҕы быраҕыы, пауэрлифтинг уонна мөлтөхтүк көрөр дьоҥҥо теннис. Күрэхтэһии түмүгүнэн Саха сирин хамаандатыттан Игорь Марсунов ох саанан ытыыга 2-с миэстэ, остуол тенниһигэр Захар Слепцов уонна Егор Котельников 2-с миэстэ буоллулар. Олорон оонньуур волейбол хамаандата 3-с миэстэни ылла. Күрэхтэһии кыайыылаахтара билигин Аҕа дойдуну көмүскээччилэр Бүтүн Арассыыйатааҕы кубоктарыгар кыттарга бэлэмнэнэллэр.
Кубок чэрчитинэн, Уһук Илин бары эрэгийиэннэрин бэрэстэбиитэллэрэ кыттыылаах патриотическай бэстибээл ыытылынна. Саха сириттэн Ойуунускай аатынан Саха тыйаатырын худуоһунньуга, байыаннай дьайыы бэтэрээнэ Дмитрий Татаринов кытынна.
От ыйын 15 күнүгэр Москватааҕы «Зарядье» кэнсиэр саалатыгар бэлиэ түгэн буолла – Стратегическай көҕүлээһиннэр агентстволарын бастакы Национальнай бириэмийэтин туттарыы. «Аҕа дойдуну көмүскээччилэр» судаарыстыбаннай пуонда салаатын көрдөһүүтүнэн, «Норуот дойдуну уларытар!» национальнай бириэмийэни өлбүт саллааттар ийэлэрэ туттулар, кинилэр дьылҕалара тулуур уонна муҥура суох аһыныгас буолуу холобура буолар. Бу Өлүөхүмэттэн Зоя Жданова, «Аҕа дойдуну көмүскээччилэр» судаарыстыбаннай пуонда салаатын социальнай координатора, өрөспүүбүлүкэ бастакы волонтердарыттан биирдэстэрэ Светлана Диодорова-Лаврентьева, «Память воинов СВО» сойуус салайааччыта Жанна Грекова буолаллар.
Сиһилии: https://www.sakha.gov.ru/news/8678
Арассыыйа Социальнай пуондатын Саха сиринээҕи салаата атырдьах ыйын 1 күнүттэн 96 тыһыынча үлэлиир биэнсийэлээххэ страховой…
От ыйын 20 күнүгэр Чурапчы улууһун Мындаҕаайы сэлиэнньэтигэр Амма өрүскэ тимирбит киһи өлүгэ бүгүн көһүннэ.…
Муома улууһугар Победа хайаҕа Күрэтэр диэн муус булууска сылдьан, икки дьахтар хайаттан суулунна диэн СӨ…
Аллайыахаҕа овцебыктар үөскээн-тэнийэн эрэллэр. Хороҕор муостаахха, сыспай сиэллээххэ самаан сайын үчүгэйин курдук, овцебыктарга эмиэ бэртээхэй…
Тимир көлөнү аһыы утаҕы иһэн баран ыытыллыбатын бары бэркэ өйдүүбүт эрээри.... Мииринэй оройуонугар Мииринэй --…
Саха сиринээҕи гидрометеокиин иһитиннэрбитинэн, сарсын, от ыйын 23 күнүгэр, Дьокуускайга уонна сорох кэккэ улуустарга куйаас…