«Аҕа дойдуну көмүскээччилэр» пуонда 23 тыһыынча ыйытыыга хоруйдаабыт

«Аҕа дойдуну көмүскээччилэр» байыаннай дьайыы кыттыылаахтарын өйүүр пуонда Саха сиринээҕи салаата 23 тыһ. ыйытыыга хоруйдаабыт. Бу туһунан пуонда филиалын салайар Алексей Александров иһитиннэрбит.

—Биһиги бойобуой дьайыылар дьиэ кэргэттэригэр уонна бэтэрээннэргэ өйөбүлү, көмөнү оҥорор үлэбит салҕанар. Бу үлэбит саҕаланыаҕыттан тус сыаллаах категориялаах дьонтон 28 тыһ. тахса ыйытыы киирбитэ. Итиннэ 23 тыһ. ыйытыы быһаарыллан турар. Онтон атын 5 тыһ. ыйытыыга үлэ ыытылла турар, — диир Алексей Александров.

Кини маны сэргэ, сэтинньи 21 күнүгэр, СӨ Юстицияҕа кэмитиэтэ «Аҕа дойдуну көмүскээччилэр» пуонда филиалын кытта бииргэ босхо юридическай көмө күнүн бойобуой дьайыылар бэтэрээннэрин дьиэ кэргэттэригэр оҥороллорун иһитиннэрдэ. Аадырыстара: Дьокуускай, Ойуунускай уул. 41/1, 09.00-15.00 ч.

Сиһилии: https://www.sakha.gov.ru/news/15565

СӨ Ил Дарханын уонна Бырабыыталыстыбатын пресс-сулууспата