Хаартыска sakha.gov.ru ылылынна
«Аҕа дойдуну көмүскээччилэр» пуонда филиалыттан иһитиннэрбиттэринэн, уопсайа 6 700 тахса киһи көмө-өйөбүл көрдөөбүт.
Үксүлэрэ үлэ-хамнас туһунан ыйыталлар, сураһаллар.
Ил Дархан Айсен Николаев бу пуонда үлэтин үрдүктүк сыаналыыр. Пуонда филиалыгар байыаннай сулууспалаахтарга көмөлөрүн, өйөбүллэрин иһин махтанан бэйэтин ТГ-ханаалыгар суруйбут.
«Аҕа дойдуну көмүскээччилэр» пуонда филиалын социальнай боппуруостарга салайааччытын солбуйааччы Лилия Голикова ыйытыы үксэ үлэҕэ сыһыаннааҕынан, нэһилиэнньэ дьарыктаах буолуу киинин кытары үлэ ыытылларын бэлиэтиир. Ол курдук 294 киһи үлэ-хамнас туһунан сураспыт. Үлэ көрдөөччүлэргэ анаан түөртэ дьаарбаҥка ыытыллыбыт. Дьаарбаҥкаҕа 274 киһи сылдьыбыт, 39 тэрилтэ кыттыыны ылбыт. Үлэ биэрээччилэр ортолоругар «СӨ ОДьКХ» ГУП, «Колмар», уо.д.а. бааллара ыйыллар.
«Аҕа дойдуну көмүскээччилэр» пуонда филиала РФ Бэрэсидьиэнэ В.Путин соруйуутунан, Саха сиригэр 2023 сыллаахха ыам ыйын 30 күнүттэн үлэтин саҕалаабыта.
Пуонда сүрүн соругунан байыаннай дьайыы кыттыылаахтара өйөбүл миэрэлэринэн туһаналларыгар көмөнү оҥоруу буолар, ол иһигэр мэдиссиинэ көмөтүнэн, социальнай өйөбүлү оҥорууга, эминэн-томунан хааччыллыыларыгар, психологическай көмө оҥоһуллуутугар, санаторийга-куруорка эмтэнэллэригэр, үлэ булалларыгар, о.д.а.
«Аҕа дойдуну көмүскээччилэр» пуонда филиалын аадырыһа: Дьокуускай, Ойуунускай уул. 41/1.
СӨ Ил Дарханын уонна Бырабыыталыстыбатын пресс-сулууспата
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…
1889 сыллаахха 1 Нөөрүктээйи нэһилиэгин бочуоттаах инородеһа, биллиилээх меценат Степан Идельгин үбүнэн Өлүөхүмэ улууһун 1…
Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…
Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…
Дьоллоох Дьокуускай куораттан ахсынньы аан туманын хайа тыыран, ахсым-дохсун тимир көлөлөр мөҥүрүөннэр түөлбэлээн олорор Матта…
Дьокуускайга муниципальнай тэриллиилэр бэрэстэбиитэллээх уорганнарын дьокутааттарын үһүс сийиэһэ буола турар. “Муниципалитеты 2.0: ИИ как драйвер…