«Аҕа дойдуну көмүскээччилэр» пуонда байыаннай дьайыы бэтэрээннэрин үлэнэн хааччыйар

«Аҕа дойдуну көмүскээччилэр» судаарыстыбаннай пуонда Саха сиринээҕи филиала байыаннай дьайыыттан эргиллэн кэлбит байыастары үөрэҕинэн, үлэнэн хааччыйар уонна чөлүгэр түһэрэр үлэтин салгыыр. Бу туһунан «Аҕа дойдуну көмүскээччилэр» судаарыстыбаннай пуонда пресс-сулууспата иһитиннэрэр.

Байыаннай дьайыы бэтэрээнэ Иван Самсонов мобилизацияланыан иннинэ Покровскайга «Хотой» олимпийскай резервэ өрөспүүбүлүкэтээҕи успуорт оскуолатыгар тхэквондо тириэньэринэн үлэлээбит. Социальнай координатор Екатерина Перевалова байыаска үрдүк үөрэхтээһин бырагырааматыгар босхо кууруска үөрэнэргэ этии көтөхпүт.

– Иван диплом ылан, үүнэр көлүөнэни патриотическай иитиигэ тус бэйэтин кылаатын киллэрэриттэн олус үөрэбин. Иван Перевалов спортивнай тэрээһиннэргэ көхтөөхтүк кыттар, ааспыт сыл бүтүүтэ Аҕа дойду Дьоруойдарын күнүгэр аналлаах байыаннай дьайыы бэтэрээннэрин ортолоругар өрөспүүбүлүкэтээҕи физкултуурунай күрэх призера буолбута, – диэн Екатерина Перевалова бэлиэтиир.

Дьокуускай куоракка «Аҕа дойдуну көмүскээччилэр» пуонда аадырыһа: Ойуунускай уул., 41/1 дь. Билсэр төл.: 8 /4112/ 506-506.