«Аҕа дойдуну көмүскээччилэр» пуонда үлэтэ

«Аҕа дойдуну көмүскээччилэр» пуонда филиалын социальнай координатордарын арыаллааһыннарыгар 3600-тэн тахса киһи баар.

Бу туһунан «Аҕа дойдуну көмүскээччилэр» байыаннай дьайыы кыттыылаахтарын өйүүр пуонда филиалын салайар Алексей Александров эттэ.

«Пуонда филиала бойобуой дьайыылар бэтэрээннэригэр уонна байыаннай дьайыы кыттыылаахтарын дьиэ кэргэттэригэр көмөнү, өйөбүлү оҥоруутун салгыыр. Тохсунньу, олунньу ыйдарга биһиги өйөбүлбүт, көмөбүт туһунан 800 киһи чопчулаһа сырытта. Кинилэртэн 4 тыһыынчаттан тахса ыйытыы киирдэ. Манна 85% быһаарылынна, атыттарга үлэ бара турар«, — диэн этэр кини.

Бэлиэтээбитинэн, ордук социальнай өйөбүл миэрэлэрин, РФ Оборуонаҕа министиэристибэтин сүнньүнэн харчынан төлөбүрү анааһын, сураҕа суох сүппүт байыастары көрдөөһүҥҥэ көмөлөһүү туһунан ыйыталлар.

Пуонда филиала сураҕа суох сүппүт байыастар дьиэ кэргэттэригэр, ону сэргэ, РФ Оборуонаҕа министиэристибэтин боломуочуйалаах уорганнарыгар көрдүүр дьаһаллары тэрийэллэригэр докумуону суһаллык ыытыыга көмөлөһөр.

Сураҕа суох сүппүттэри көрдүүргэ ыйытыылаах буоллахтырына, олорор сирдэринэн, улууска пуонда филиалыгар социальнай координатордарыгар тиийэллэр. Социальнай координатордар суох улуустара буоллаҕына, улуус дьаһалтатыгар тиийэллэрэ ирдэнэр. Онтон Дьокуускайга «Аҕа дойдуну көмүскээччилэр» пуонда филиалыгар:  Дьокуускай, Ойуунускай уул. 41/1.

Аҕа дойдуну көмүскээччи күнүн көрсө, бойобуой дьайыылар бэтэрээннэригэр уонна кинилэр дьиэ кэргэттэрин чилиэннэригэр пуонда филиала СӨ юстиция кэмитиэтин кытта бииргэ юридическай боппуруостарынан аһаҕас аан күннэрин тэрийбиттэрэ. Бу тэрээһиҥҥэ СӨ борокуруордара, СӨ киһи быраабын көмүскүүр боломуочунай, адвокаттар, доруобуйа харыстабылын үлэһиттэрэ, уо.д.а. кыттыыны ылбыттара. Уопсайа 500 кэриҥэ киһи юридическай сүбэни-аманы ылбыттара.

СӨ Ил Дарханын уонна Бырабыыталыстыбатын пресс-сулууспата