Хаартыскаҕа Андрей Сорокин түһэриитэ
Социальнай координатордар 4700-кэ кэриҥэ гражданы, ол иһигэр бойобуой дьайыылар бэтэрээннэрин, байыаннай сулууспаттан төннүбүттэри уонна анал байыаннай дьайыы кыттыылаахтарын дьиэ кэргэттэрин биир кэлимник арыаллыыллар. Бу туһунан атырдьах ыйын 5 күнүгэр брифиҥҥэ «Аҕа дойдуну көмүскээччилэр» судаарыстыбаннай пуонда Саха сиринээҕи филиалын салайааччыта Алексей Александров иһитиннэрдэ.
«Филиал бойобуой дьайыылар бэтэрээннэригэр уонна байыаннай дьайыы кыттыылаахтарын дьиэ кэргэттэригэр өйөбүлү уонна көмөнү оҥорууну, тэрийиини салгыы ыытар. Биһиги офиспитыгар социальнай координатордартан ураты, күн аайы гражданнары Арассыыйа Оборуонатын министиэристибэтин Байыаннай-социальнай киинин бэрэстэбиитэллэрэ, Арассыыйа Социальнай пуондатын өрөспүүбүлүкэтээҕи салаатын, МФЦ, Үлэ, Доруобуйа харыстабылын, Үөрэх уонна билим министиэристибэлэрин сыһыарыллыбыт тэрилтэлэрин, СӨ Дьарыктаах буолууга судаарыстыбаннай кэмитиэтин исписэлиистэрэ, ону таһынан психолог тус кэпсэтиилэри ыыталлар», – диэн Алексей Александров бэлиэтээтэ.
Судаарыстыбаннай пуонда филиалыгар СӨ Элбэх өҥөнү оҥорор киин юрисконсультаана, СӨ Албакааттар балаататын албакааттара босхо юридическай көмөнү оҥороллор. СӨ Борокуратууратын уонна Дьокуускайдааҕы гарнизон Байыаннай борокуруордара тус көрсүһүүлэри ыыталлар. Ону таһынан Дьокуускай куораттааҕы Байыаннай комиссариат үлэһиттэрэ гражданнары көрөллөрө тэрилиннэ.
Өлбүт уонна сураҕа суох сүппүт дьон дьиэ кэргэттэриттэн харчынан төлөбүргэ сайабылыанньалар хомуллаллар. Ону тэҥэ өлбүттэр дьиэ кэргэттэрэ филиалга урут биэрбит сайабылыанньаларынан туоһу суруктары уонна хомунаалынай өҥөлөргө чэпчэтии ыларга ыспыраапкалары ылыахтарын сөп. Демобилизацияламмыт байыаннай сулууспалаахтар бойобуой дьайыылар бэтэрээннэрин туоһу суругу ыларга сайабылыанньа биэриэхтэрин сөп.
Ил Дархан Айсен Николаев Уһук Илини социальнай-экэнэмиичэскэй өттүнэн сайыннарыыга РФ Бырабыыталыстыбатын стратегическай сиэссийэтигэр кытынна. РФ…
Ааспыт сууккаҕа ЫБММ үэһиттэрэ суол саахалыгар ыҥырыллыбатылар. Техногеннай биэс баһаар бэлиэтэммит, эмсэҕэлээччи да, өлөөччү да…
ГПХ-нан уонна дуогабарынан үлэ туох уратылаахтарын, кимнээх маннык үлэлиэхтэрин сөбүн туһунан Объясняем.рф телеграм-ханаал иһитиннэрэр. [gallery…
Бүгүн, ахсынньы 10 күнүгэр, Саха сирин сорох улуустарыгар -49 кыраадыс буолара күүтүллэр диэн УГМС иһитиннэрэр.…
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…