«Аҕа дойдуну көмүскээччилэр» пуонда филиала байыастарга көмөтө салҕанар

«Аҕа дойдуну көмүскээччилэр» пуонда Саха сиринээҕи филиала бойобуой дьайыылар бэтэрээннэригэр — байыаннай дьайыы кыттыылаахтарыгар уонна кинилэр дьиэ кэргэттэригэр өйөбүлүн салгыыр.

Мэдиссиинэ уонна психолого-психотерапевтическай ыйытыыны барыта сэттэ сүүстэн тахса киһи биэрбит.

«Пуонда филиала байыаннай дьайыы 69  кыттыылааҕар уонна кинилэр дьиэ кэргэттэригэр, ол иһигэр 15 байыаннай дьайыы бэтэрээнигэр  доруобуйаларын чэбдигирдэллэригэр көмөлөстүлэр. Бу өрөспүүбүлүкэтээҕи реабилитация, спортивнай мэдиссиинэ уонна мэдиссиинэ национальнай киин, инбэлииттэри кэлимник реабилитациялыыр өрөспүүбүлүкэтээҕи социальнай-чэбдигирдэр киин баазаларыгар ыытыллар», — диэн этэр «Аҕа дойдуну көмүскээччилэр» пуонда Саха сиринээҕи филиалын  салайааччытын солбуйааччы Татьяна Никифорова.

СӨ Доруобуйа харыстабылын министиэристибэтин кытары түһэрсиллибит сөбүлэҥ иитинэн, байыаннай дьайыы 192 кыттыылааҕар, уонна олохторун толук уурбут байыастар дьиэ кэргэттэригэр, итинтэн бойобуой дьайыы 34 бэтэрээнигэр мэдиссиинэ көмөтө оҥоһуллубут.

Байыаннай дьайыы 34 кыттыылааҕар уонна байыаннай сулууспалаахтар дьиэ кэргэттэрин чилиэннэригэр санаторнай-курортнай эмтэниигэ, Москваҕа «Бэс Чагдаҕа» уонна Дьокуускайга «Чэбдиккэ» доруобуйаларын чэбдигирдинэллэригэр көмө оҥоһуллубут. Байыаннай-врачебнай хамыыһыйаны эбэтэр медико-социальнай эспэртиисэни ааһарга көмөнү байыаннай дьайыы 19  кыттыылааҕа ылбыт. Психолого-психотерапевтическай көмө пуонда филиалын офиһыгар 475 киһиэхэ, ол иһигэр бойобуой дьайыы 100 бэтэрээнигэр оҥоһуллубут.

РФ Бырабыыталыстыбатын Бэрэссэдээтэлин солбуйааччы Татьяна Голикова уонна РФ доруобуйа харыстабылын министиэристибэтин 5 пуунун сорудахтарын толорууга, СӨ доруобуйа харыстабылын министиэристибэтэ муус устартан бойобуой дьайыылар бэтэрээннэрин — бойобуой дьайыы кыттыылаахтарын доруобуйаларын көрүүнү, диспансеризацияны саҕалаабыта. Диспансеризацияҕа гражданин сыһыарыллыбыт сиригэр сылдьар, бу сыл бүтүөр диэри нэдиэлэ алтыс күнүгэр ыытыллар.

Санатар буоллахха, филиал Дьокуускай к., Ойуунускай уул. 41/1 үлэлиир.

СӨ Ил Дарханын уонна Бырабыыталыстабытан пресс-сулууспата