Хаартыска: sakha.gov.ru ылылынна
«Аҕа дойдуну көмүскээччилэр» пуонда филиала үлэлиэҕиттэн, 35 тыһ. тахса этии киирбит. Итинтэн 91% быһаарыллыбыт.
Бу туһунан бүгүн, олунньу 18 күнүгэр, «Аҕа дойдуну көмүскээччилэр» байыаннай дьайыы кыттыылаахтарын өйүүр судаарыстыбаннай пуонда филиалын социальнай арыаллааһыҥҥа салайааччыны солбуйааччы Лилия Голикова иһитиннэрдэ.
«Филиалга тоҕус тыһыынчаттан тахса киһи, ол иһигэр 3, 5 тыһ. тус сыаллаах категориянан сырытта. Барыта 35 тыһыынчаттан тахса этии киирбитэ. Итинтэн 91% быһаарыллан турар. Байыаннай сулууспалаахтартан уонна кинилэр дьиэ кэргэннэрин чилиэннэриттэн 52% этии киирбитэ«, — диэн этэр Лилия Голикова.
Кини иһитиннэрбитинэн, демобилизацияламмыт, бойобуой дьайыыга эмсэҕэлээн инбэлиит буолбут байыастары учуокка туруорууга РФ Социальнай пуондатын уонна медико-социальнай бюрону кытары үлэ салҕанар.
Бүгүҥҥү күн туругунан пуонда филиалын учуотугар 125 инбэлиит-бэтэрээн баар. Социальнай сүрүннээччилэр туох ирдэнэрин уонна араас боппуруостарын быһаарарга ый ахсын кинилэргэ дьиэлэригэр сылдьаллар. Бойобуой дьайыылар бэтэрээннэрин дьиэлэригэр уопсайа 1502 сылдьыбыттар.
Байыаннай-силиэстийэлиир отделы кытта филиал сураҕа суох сүппүт дьону булууга үлэлэһэр.
Маны таһынан, төһө наадыйалларын быһааран, федеральнай испииһэккэ киирбэтэх техническэй сириэстибэнэн (ТСР) хааччыйыыга үлэ ыытыллар. Ол курдук, манна холобур, көхтөөх олохтоох уонна успуордунан дьарыктаныан баҕалаах дьоҥҥо спортивнай протезтар, спортивнай кириэһилэ-кэлээскэлэр киирэллэр. ТСР хааччыйыыга 16 инбэлиит — байыаннай дьайыы кыттыылааҕа баар. Пуонда киин аппараатыгар 16 сайаапка ыытыллыбыт, итинтэн судаарыстыбаннай пуонда Экспертнэй сэбиэтигэр 8 сөбүлэҥ бэриллибит.
СӨ Ил Дарханын уонна Бырабыталыстыбатын пресс-сулууспата
Бэҕэһээ, муус устар 15 күнүгэр, куйаар ситиминэн СӨ Бырабыыталыстыбатын Бэрэссэдээтэлэ Кирилл Бычков Өймөкөөн улууһун социальнай-экэнэмиичэскэй…
Быйылгы Олоҥхо ыһыаҕын тэрийэр кэмитиэт муус устар 15 күнүгэр өрөспүүбүлүкэтээҕи куонкурустар испииһэктэрин бигэргэттэ. От ыйын…
Бэҕэһээ, муус устар 15 күнүгэр, Нам улууһугар хаарынан уонна бадараанынан сылдьар (снего-болотоход) саҥа көлө кэллэ.…
Саха сиригэр элбэх оҕолоох дьиэ кэргэттэргэ бэриллэр сир учаастагын оннугар бэриллэр төлөбүр сууматын 300 тыһыынчаҕа…
Харбалаахтааҕы үөрэхтээһин холбоһугар Улуу Кыайыы 80 сылыгар аналлаах "Бастыҥнар хамсааһыннарын" ыытар аахсыйатын чэрчитинэн "Чымадаан иһигэр…
Өрөспүүбүлүкэтээҕи 2 №-дээх балыыһа-Мэдиссиинэ суһал киинин хирургияҕа мобильнай киинэ муус устар 6-14 күннэригэр Уус Алдан…