сахагов
“Аҕа дойдуну көмүскээччилэр” пуонда байыаннай дьайыы бэтэрээннэригэр кэлимсэ көмөнү салгыыр, кинилэри успуордунан дьарыктаналларыгар адаптивнай таҥаһынан хааччыйаллар.
Бастакы ылааччылар ортолоругар – Саха сириттэн Виктор Винокуров. 2022 сыллаахха ыҥырыллыбыт байыас миинэ эстэн, ыарахан эчэйиини ылбыта. Уустук эпэрээссийэ кэнниттэн дьиэтигэр эргиллибитэ, онно киниэхэ Пуонда филиала быратыаһы оҥотторууга чэпчэтииттэн саҕалаан успуорка үөрүйэҕи ааһарыгар көмөлөспүтэ.
Социальнай сүрүннээччи Евгения Каменяр Викторы чөлүгэр түһүүтүгэр арыаллаабыта. Пуонда көмөтүнэн бэтэрээн “Кибатлетика” кииҥҥэ чөлүгэр түһүү кууруһун ааспыта, Коломнаҕа “Протэкс-кииҥҥэ” успуорка сөптөөх быратыаһы, соторутааҕыта адаптивнай таҥаһы-сабы ылла. Сүрүннээччи сүбэтинэн кини ох саанан ытыынан дьарыктанан эрэр уонна үчүгэй түмүктэри көрдөрөр.
“Аҕа дойдуну көмүскээччилэр” пуондаҕа кэлимсэ көмөлөрүн иһин махтанабын. Адаптивнай таҥаспыттан астынным. Билигин баахтаҕа үлэлиибин, онно бу таҥаһым олус табыгастаах”, — диэтэ байыаннай дьайыы бэтэрээнэ.
Адаптивнай таҥас тирэнэр-хаамар кыахтара суохтарга, ону тэҥэ инбэлиит кэлээскэтинэн сылдьааччыларга көмөлөһөр. Сайаапканы бу пуонда филиалыгар биэрэллэр.
“Аҕа дойдуну көмүскээччилэр” пуонда Арассыыйа Бэрэсидьиэнин Владимир Путин Ыйааҕынан тэриллибитэ. Байыаннай дьайыы бэтэрээннэригэр уонна өлбүт дьоруойдар дьиэ кэргэттэригэр көмөлөһөр. Пуонда исписэлиистэрэ мэдиссиинэ уона социальанй өттүнэн чөлүгэр түһэриигэ көмөлөһөллөр, юридическай көмөнү оҥороллор, идэ ылан үлэлииллэригэр сүбэ-ама буолаллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/11620
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…