Ил Дархан, бырабыыталыстыба пресс-сулууспата
«Аҕа дойдуну көмүскээччилэр» пуондаҕа бойобуой дьайыы бэтэрээннэригэр уонна өлбүт, сураҕа суох сүппүт байыаннай сулууспалаахтар дьиэ кэргэттэригэр юридическай көмөнү оҥоруу салҕанар.
Пуонда салайааччытын быраап боппуруостарыгар солбуйааччы Александр Захаров брифиҥҥэ иһитиннэрбитинэн, Саха сиригэр судаарыстыбаннай пуонда аһыллыаҕыттан, ол эбэтэр 2023 сыл бэс ыйын 1 күнүттэн, 1860 туһаайыынан юридическай көмө оҥоһуллубут, онтон 990-на – пуонда харалтатыгар сылдьааччылар боппуруостара.
«Пуонда үлэтин биир хайысхатынан бойобуой дьайыылар бэтэрээннэригэр уонна өлбүт, сураҕа суох сүппүт байыаннай сулууспалаахтар дьиэ кэргэттэригэр социальнай өйөбүл миэрэлэрин оҥотторуу уонна биэрии боппуруостарыгар босхо юридическай көмөнү тэрийии буолар. Ону таһынан биһиэхэ көмө көрдөөн билиҥҥи байыаннай сулууспалаахтар чугас дьоннорун кытта эмиэ кэлиэхтэрин сөп», – диэн Александр Захаров бэлиэтээтэ.
Кини иһитиннэрбитинэн, салаа СӨ Борокуратууратын, Илин байыаннай уокурук Байыаннай борокуратууратын, Дьокуускайдааҕы тырааныспарга борокуратууратын, СӨ Киһи быраабын боломуочунайын, РФ Суут бириистэптэрин федеральнай сулууспаларын, Юристар ассоциацияларын, Элбэх өҥөнү оҥорор кииннэр, Адвокатскай уонна Нотариальнай балааталары кытта босхо юридическай көмөнү оҥорор туһунан сөбүлэҥнэри түһэрсибит. Салаа партнердарыгар көрсүһүүгэ суруттарыы социальнай координатордар нөҥүө ыытыллаллар. Кыһалҕалаах боппуруоһу өйдүүр инниттэн эрдэттэн суруттарыы наада, онтон сокуону тупсарар этиилэрдээх иһитиннэрии биэдэмистибэлэр икки ардыларынааҕы хамыыһыйаҕа уонна атын судаарыстыбаннай уорганнарга бэриллэр.
Саха сирин 83-с чөмпүйэнээтин Бастакы лигэтигэр 34 саахыматчыт кыттар. Күрэхтэһиигэ уон биир улуустан - Мэҥэ…
Кэбээйи улууһун борокуратуурата туристическай тэрилтэ салайааччытыгар сыһыаннаах холуобунай дьыалаҕа буруйдуур түмүгү бигэргэттэ. Кини РФ Холуобунай…
Арассыыйа үтүөлээх маастара Владимир Балынец пауэрлифтиҥҥэ аан дойду чөмпүйэнээтигэр кыттарга бэлэмнэнэр. Бу күрэхтэһии Арассыыйа паралимпийскай…
Бу сайын «Муома» айылҕа пааркатынан тэриллибит эспэдииссийэтин кэмигэр, Мраморнай хайаҕа Gynaephora (rossii) көрүҥүн бөлөҕүттэн «волнянка»…
Дьокуускай, Нерюнгри уонна Мииринэй куораттарга хантараагынан байыаннай сулууспаҕа гражданнары сүүмэрдиир пууннар РФ Оборуона министиэристибэтин кытта…
Аҕа дойду Улуу сэриитин кэминээҕи номоххо киирбит бэргэн ытааччыта, Сэбиэскэй Сойуус Дьоруойа Федор Охлопков кэриэһигэр…