«Аҕа дойдуну көмүскээччилэр» пуондаҕа 110 тыһ. кэриҥэ ыйытыы киирдэ

Хас биирдии байыаннай дьайыы кыттыылааҕа уонна кинилэр дьиэ кэргэттэрин чилиэттэрэ төһө  кыалларынан түргэнник консультацияны уонна көмөнү ылар кыахтаахтар.

Бу сыалга 2024 сыл олунньу ыйыттан «Аҕа дойдуну көмүскээччилэр» судаарыстыбаннай пуонда «итии лииньийэтэ» үлэҕэ киирбитэ. Биэс ый иһигэр оператордар 110 тыһ. кэриҥэ ыйытыгы ыллылар. Сууккаҕа 700-900 киирэр ыйытыыларга оператордар быыстала суох хоруйдууллар. Үксүгэр маннык ыйытыылар киирэллэр: аймахтарын көрдөөһүн, хантараак түһэрсии ирдэбилэ уонна усулуобуйата, араас төлөбүр уонна чэпчэтии кээмэйэ, бэтэрээн дастабырыанньатын ылыы. «Аҕа дойдуну көмүскээччилэр» пуонда «итии лииньийэтин» төлөпүөнүн нүөмэрэ: 117 (доб. 1).

Маны таһынан  байыаннай сулууспалаахтар филиалга сирэй көрсөн көрсүһүүгэ эрдэтинэ суруттарыахтарын сөп. Итиэннэ «Госуслуги» порталга уонна «Аҕа дойдуну көмүскээччилэр» пуонда саайтыгар өйөбүл бары миэрэлэрин кытта сиһилии билсэр кыахтаахтар. Дьокуускай куоракка «Аҕа дойду көмүскээччилэрэ» судаарыстыбаннай пуонда филиалын аадырыһа: Ойуунускай аатынан уулусса, 41/1 дьиэтэ. Төлөпүөн нүөмэрэ 8 4112 506-506.