Хаартыска: www.sakha.gov.ru
Саха сиригэр “Аҕа дойдуну көмүскээччилэр” судаарыстыбаннай пуонда филиалыгар 40 тыһ. тахса сурук киирбит. Ити туһунан муус устар 22 күнүнээҕи брифиҥҥэ биэдэмэстибэ салайааччытын солбуйааччы Лилия Голикова иһитиннэрдэ.
“Филиал үлэтэ саҕаланыаҕыттан 10 тыһ. тахса киһи сылдьыбыт, ол иһигэр тус сыаллаах категориянан 4 тыһ. кэриҥэ киһи. Барыта 40 тыһ. тахса сайабылыанньа киирбит. Итинтэн күн бүгүн 91% быһаарыллан турар. Уопсай боппуруос ахсааныттан 53,6% билигин байыаннай сулууспалаахтан уонна кинилэр дьиэ кэргэттэрин чилиэннэриттэн буолар” – диэн Лилия Голикова эттэ.
Кини иһитиннэрэринэн, Медико-социальнай эспэртиисэ бюротун кытта тэҥнээн, анал байыаннай дьайыыга сылдьан инбэлиит буолбут байыаннай сулууспалаахтары учуокка туруоруу үлэтэ барар. Пуонда филиалыгар күн бүгүн учуокка 143 инбэлиит-бэтэрээн турар. Туох ирдэнэрин уонна үөскээбит боппуруостары быһаарарга көмөлөһөр инниттэн социальнай координатордар кинилэргэ ый ахсын дьиэлэригэр сылдьаллар.
Филиал федеральнай испииһэккэ киирбэт тиэхиньиичэскэй реабилитация тэрилин наадыйааччылары булан хааччыйар үлэни ыытар. Бу хамсанарга уонна успуордунан дьарыктанарга ирдэнэр спортивнай протезтар уонна спортивнай кириэһилэ-кэлээскэлэр буолаллар. Бүгүҥҥүтэ маннык тэрилинэн 18 инбэлиит – анал байыаннай дьайыы кыттыылааҕа хааччыллыахтаах. Сайаапканы киин аппараат көрүүтүгэр ыыппыттар, итинтэн 11-гэр судаарыстыбаннай пуонда эспиэртиир сэбиэтэ сөпсөспүт.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…