Аҕа дойдуну көмүскээччилэрин күнүн көрсө ИДьМ үлэһиттэрэ күрэхтэстилэр

Икки күн устата Дьокуускайдааҕы 4 №-дээх ДЮСШ-ҕа суол тэрилтэлэрин уонна ИДьМ үлэһиттэрин икки ардыларыгар спартакиада буолан ааста.

Суол тэрилтэлэрин уонна ИДьМ үлэһиттэрин икки ардыларыгар Спартакиада үгэскэ кубулуйан хас сыл ахсын Аҕа дойдуну көмүскээччилэрин күнүн бырааһынньыгын иннинэ ыытыллар.

Күрэхтэһиигэ  «Бүлүү» суол управлениета, СӨ Тырааныспарга уонна суол хаһаайыстыбатыгар министиэристибэтэ, СӨ суолларын управлениета, «РИК Автодор» АХ, «Саха суоллара» САУо уонна Саха сирин ИДьМ ГИБДД хамаандалара күөн көрүстүлэр.

Спартакиада успуорт маннык көрүҥнэригэр ыытылынна: мини-футбол, волейбол, нуучча дуобата, остуол тенниһэ, канат тардыһыыта, ГТО эстафетата уонна дартс күрэхтэһии.

Спартакиада аһыллыытын сиэригэр-туомугар СӨ ИДьМ сулууспатын ГИБДД управлениетын начаалынньыгын солбуйааччы Мирзахан Мугадович Гаджиев истиҥник эҕэрдэлээтэ. Спартакиада үрдүк тэрээһиннээхтик ааста. Күрэхтэһии түмүгүнэн кыайыылаахтара Гамоталарынан уонна бэлиэ мэтээллэринэн наҕараадаланнылар диэн СӨ ИДьМ сулууспатын ГИБДД пресс-сулууспата суруйар.