Аҕам саастаах аймаҕыттан харчытын уорбут

Аллараа Халыма улууһун олохтооҕо аҕам саастаах аймаҕыттан харчытын уорууга уорбаланар. Бу туһунан Ис дьыала министиэристибэтин пресс-сулууспата иһитиннэрдэ.

Аллараа Халыма улууһун дьуһуурунай чааһыгар биэнсийэлээх киһиттэн сайабылыанньа киирбит. Ол курдук  кыбартыыратыттан 10 тыһ. солк. сүппүт.

Бэрэбиэркэ кэмигэр   эр киһи 31 саастаах аймаҕа харчыны ылыыга уорбаланарын быһаарбыттар.

Ол курдук,  аҕам саастаах эр киһи дьиэтигэр 31-саастаах  аймаҕа табаарыһын кытта арыгылаабыттар.  Хаһаайын көрбөтүгэр эр киһи биллибэтинэн  куукунаҕа туумбаҕа сытар 10 тыһ. солк. уорбут. Уоруутун тута туттубатах, онон  харчы төннөрүллүбүт.

Эр киһиэхэ РФ Холуобунай кодексын 158 ыстатыйатын 2 чааһынан холуобунай дьыала көбүтүлүннэ.