Хаартыска: Чэмэлиинэ Скрябина тиксэриитэ.
Ааспыт сылаас өрөбүллэргэ Пригороднай бөһүөлэгин дьахталларын сэбиэтин кэлэктиибэ Кырдьаҕастар уонна инбэлииттэр интэринээт-дьиэлэригэр ыалдьыттаатыбыт.
Кэлэрбитин онно олорор дьон уонна үлэһиттэр кэтэһэн тураллара, олус истиҥник көрсүбүттэрэ.
Кыргыттар аҕам саастаах дьону бырааһынньыктааҕы кэнсиэр бырагырааманан үөрдүбүттэрэ: Акулина Иванова бэйэтэ айбыт ырыаларын толорбута, Валентина Афанасьева киһи дууһатын долгутар хоһооннору аахпыта, оттон Виктория Постникова бириистэрдээх сэргэх, бэһиэлэй викторинаны ыыппыта. Надежда Самойлова уонна Айталина Илларионова сценарийы бэлэмнээн, үөрэ-көтө көрсүһүүбүтүн ыыппыттара.
Кыргыттар ис сүрэхтэриттэн толорон, көрөөччүлэр куттарын туппуттара. Хас биирдии нүөмэр истиҥ ытыс тыаһынан доҕуһуолламмыта.
Бэлэҕэ суох хайдах сылдьыахпытый? Наталья Строева бэйэтэ оҥорбут минньигэс барыанньатын, мүөтүн аҕалбыта, Надежда Степанова барыларын минньигэс аһынан амарахтык күндүлээбитэ, Ньургуйаана Готовцева остуол оонньууларын бэлэхтээбитэ. Тэрээһин кэмигэр көрөөччүлэрбит күннээҕи кыһалҕаларыттан аралдьыйдылар.
Кырдьар сааска киһи сылаас сыһыана, болҕомтото төһөлөөх сыаналааҕын бары өйдүүбүт. Кырдьаҕас төрөппүттэргэ, көмөтө суох дьоҥҥо кыра да болҕомтону уурдахха, кыһамньыгын биэрдэххинэ, ол кини доруобуйатыгар быһаччы дьайар, туруга тупсар.
Чугас дьоҥҥутун көрүҥ-истиҥ, харыстааҥ! Таптыыргытын этэ сылдьыҥ, Олох, хомойуох иһин, үйэлээх буолбатах!
Чэмэлиинэ Скрябина.
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…
Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…