Хаартыска: Вера Прокопьева тиксэриитэ.
Кэбээйи улууһун Мукучу нэһилиэгэр араас тэрээһиннэр көхтөөхтүк ыытыллаллар.
Тохсунньу 23 күнүгэр “Дайан” сынньалаҥ киин үлэһиттэрэ аҕам саастаах дьон иллэҥ кэмнэрин туһалаахтык атааралларыгар анаан, оонньуу эйгэтин тэрийдилэр. Аҕам саастаахтар үөлээннээхтэрин көрсөн үөрдүлэр, бары бииргэ араас оонньуулары оонньоон сэргэхсийдилэр. Кэлэр ыйдарга буолар тэрээһиннэри истэн үөрдүлэр, көхтөөх кыттыыны ылыахпыт диэтилэр.
Бу да сырыыга эдэрдии эрчими ыһыктыбакка, эти-хааны эрчийэр оонньууларга харса суох бары боруобаланнылар.
Саҥа Корнхол диэн оонньууну билсэн, боруобалаан көрдүлэр. Бэртээхэй оонньуу эбит диэн астыннылар, кэлин күрэх быһыытынан мэлдьи оонньуохха наада диэн этии киллэрдилэр.
Тэрээһиҥҥэ кыттыбыт дьоммутугар бука барыларыгар минньигэс сакалааты бэлэхтээтибит, уопсай хаартыскаҕа түстүбүт.
Аны тохсунньу 31 күнүгэр ыаллыы сытар Мастаах, Баҕадьа сэлиэнньэлэрин аҕам саастаахтарын кытта «Кэрэни кэрэхсээн, үтүөнү үксэтэн» көрсүһүү тэрээһинигэр бэлэмнэнэр санаалаах тарҕастылар.
Төһө да саас ыллар дьиэҕэ олорон хаалбакка, кэрэтик кырдьыы ис кистэлэҥин арыйан, сэргэхтик туттан-хаптан, олоххо көхтөөх буолуҥ, мэлдьи үөрэ-көтө сылдьыҥ күндү дьоммут!
Вера Прокопьева
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…