Аҕам саастаах дьон ырааппакка, төрөөбүт дойдуларыгар сынньаналлара, урут көрбөтөх оройуоннарын, сирдэрин-уоттарын арыйа бараллара доруобуйаларыгар бары өттүнэн туһалааҕа чуолкай.
“Бэтэрээн” ассоциация көҕүлээһининэн Алдаҥҥа өрөспүүбүлүкэтээҕи сайыҥҥы элбэх хайысхалаах “Үрүҥ көмүс каникуллар” лааҕыр бэс ыйын 27 – от ыйын 3 күннэригэр үлэтин саҕалаата. Лааҕыр Олимпийскай эрэллэр спортивнай оскуолаларын баазатыгар аһылынна, манна 60-тан 80-гар диэри саастаах дьон 14 улуустан: Намтан, Амматтан, Бүлүү умнаһын улуустарыттан, Горнайтан, Алдан, Дьокуускай куораттартан, о.д.а. улуустартан сынньана кэллилэр. Бу көлүөнэ дьон олохторо пионерскай этэрээттэн саҕаламмыт буолан, этэрээттэргэ арахсыыны, девиз, речевка диэни эндэппэккэ билэллэр. Бу смена “Бииргэ көхтөөхтүк уһун үйэлэниэҕиҥ” диэн ааттаах.
Лааҕыр 7 күннээх, бу кэм устата сынньанааччылар “Лыжный центр” гостиницаҕа олороллор, күҥҥэ түөртэ аһыыллар. Айар хайысхалаах куруһуоктар үлэлииллэр: уруһуй, быысапка, оҕуруонан тиһии, кумааҕынан оҥоһуктар (панно, корзинка), ырыа, баататтан куукула оҥоро үөрэнии, “скрапбукинг” тиэхиньикэнэн фотоальбом оҥоруу, остуол оонньуулара, о.д.а. Ол быыһыгар скандинавскай хаамыыга маастар-кылаастар буолаллар, йогаҕа үөрэтэллэр, саахыматы сатыыр дьоҥҥо турнир ыытыллар. СӨ норуодунай артыыһа Афанасий Афанасьев үҥкүүнэн сэргэхсийиигэ, эмтэниигэ үөрэтиэ диэн кэтэһэллэр. Чугас эргин Томмокко баран күүлэйдээн, Алдан өрүс кытылыгар хонон-өрөөн кэлиэхтэрэ. Үчүгэйэ диэн эмчиттэр кэлэн, “Доруобай буол!” аахсыйанан профилактикалыыр чинчийиилэри ыытыахтара. БАМ тутуллубута 50 сылыгар “Күүстээхтэр, хорсуннар, сымсалар” спартакиада (чэпчэки эстафета, остуол тенниһэ, буулдьанан ытыы) ыытыллыа. Лааҕыр “Бииргэ көхтөөхтүк уһун үйэлэниэҕиҥ” сменатын үөрүүлээх сабыллыыта “Сэвэки” култуурунай-этнографическай комплекска буолуоҕа.
Өрөбүл күн сарсыарда эрдэттэн чэпчэки атлетикаҕа күрэхтэһии саҕаланна. Эбиэт иннинэ Саха сирин чэпчэки атлетикаҕа сүүмэрдэммит…
Мэҥэ Хаҥалас Майатыттан "Саха сайдам ыала" , "Тыа ыала" күрэхтэр кыттыылаахтара элбэх оҕолоох Елизавета уонна Герман…
Туймаада ыһыаҕа сыл аайы суруналыыстары кытта бэрт үгүс кэрэхсэбиллээх айар куттаах дьону көрүһүннэрэр. Мэҥэ Хаҥалас…
Туймаада ыһыаҕын кэмигэр куорат мээрэ суруналыыстары кытта көрсөр үгэһинэн быйыл эмиэ бэйэтэ болдьообут чааһыгар кэлэн…
Ыччат күнүгэр, бэс ыйын 29 күнүгэр, Туймаада ыһыаҕын кэмигэр «Ыччат ситимэ - 2024» ыччат бэстибээлэ…
Куорат спортивнай оскуолатын иитиллээччитэ, тохсус кылаас үөрэнээччитэ Альберт Винокуров «Азия оҕолоро» оонньууга үс төгүл үс…