Аҕам саастаах дьонтон эдэр уол албыннаан харчы хомуйууга уорбаланар

Дьокуускай куорат борокуратуурата 2006 с.т. уолга сыһыаннаан көбүтүллүбүт холуобунай дьыала буруйдуур түмүгүн бигэргэттэ, диэн СӨ Борокуратуурата иһитиннэрэр.

Силиэстийэ быһаарыытынан, буруйданааччы мессенджер нөҥүө түргэнник харчыланар ньыма баарын истэн, силиэстийэ кэмигэр «BRATIK» диэн никтээх киһилиин суруйсан, тэриллиилээх бөлөх састаабыгар киирбит уонна «курьер» оруолун толорор эбээһинэһи сүкпүт.

Тэриллиилээх бөлөх чилиэннэрэ  быраабы араҥаччылыыр уорганнар үлэһиттэрэ буолан кубулунан, аҕам саастаах дьону албыннаабыттар. Онуоха буруйданааччы түөкүннэр албыннарыгар киирбит эмсэҕэлээччилэр аадырыстарыгар тиийэн харчыларын хомуйбут уонна  банкоматынан тэрийээччилэр счеттарыгар ыыппыт, ол кэннэ уоруллубут сууматтан 5%-нын бэйэтигэр ыла сылдьыбыт.

Бу курдук ньыманан Дьокуускай куорат 85-тэн 91-гэр диэри саастаах түөрт аҕам саастаах олохтооҕуттан албыннаан 1,6 мөл. солкуобайы уорбуттар.

Буруйданааччы буруйун билиммэтэх, буруйу оҥорор бөлөх тэрийээччилэрэ кинини бэйэтин  албыннаабыттарынан быһаарбыт. Холуобунай дьыаланы борокуруор суут көрүүтүгэр ыытта. Үс эмсэҕэлээччи интэриэһин көмүскээн, борокуратуура буруйу оҥорооччуттан хоромньу сууматын ирдииргэ суукка үҥсүү киллэрбит. Ону таһынан биир кырдьаҕас дьахтар өлбүтүнэн сибээстээн, кини бэрэстэбиитэлигэр юридическэй көмө оҥоһуллар. Тэриллиилээх бөлөх атын кыттааччыларыгар сыһыаннаан холуобунай дьыала туспа дьыалаҕа араарылынна.