Аҕам саастаах киһиттэн төлөпүөнүн былдьаабыт

СӨ ИДьМ пресс-сулууспата иһитиннэрбитинэн, Дьокуускайга эр киһи аҕам саастаах киһини албыннаан төлөпүөнүн уорбут. ИДьМ Дьокуускай куорат 2-c №-дээх полиция салаатын дьуһуурунай чааһыгар аҕам саастаах киһиттэн үҥсүү киирбит.

Ол курдук, Лермонтов уонна Октябрьскай уулуссалар быһа охсуһууларыгар аҕам саастаах киһиэхэ  биир  киһи кэлэн,  төлөпүөнүнэн кэпсэтээри төлөпүөнүн уларсарыгар көрдөспүт. Онуоха үтүө санаалаах кырдьаҕас аһынан сөбүлэспит. Эр киһи төлөпүөнү ылаат, атын сиргэ   бара турбут. Материальнай хоромньу уопсай суумата 5 тыһ. солкуобайга тэҥнэспит.

Суһал-ирдиир үлэ түмүгүнэн, холуобунай ирдэбил үлэһиттэрэ  36 саастаах ханна да үлэлээбэт уорбаланааччыны туппуттар. Онно быһаарыллыбытынан, уорбаланааччы  аҕам саастаах киһи төлөпүөннээх сылдьарын көрөн, былдьыырга санаммыт. Албыннаан төлөпүөнү ылан баран комиссионнай маҕаһыыҥҥа тиийэн туттарбыт уонна ылбыт харчытын тус наадатыгар туттубут.

Арассыыйа Федерациятын холуобунай кодексатын 159 ыст. 1 ч.»Түөкүннээһин» диэн холуобунай дьыала тэриллибит.