Хаартыска: Социальнай пуонда Саха сиринээҕи салаата.
Саха сиригэр Аҕам саастаах көлүөнэ алтыһар кииннэригэр көхтөөх олох күөстүү оргуйар.
«Сэргэх» кииҥҥэ актыбыыстар Василий уонна Ибаррура Васильевтары 60 сыл бииргэ олорбуттарынан эҕэрдэлээтилэр.
«Сайдыынаҕа» Нина, Савелий Саввиновтар 50 сыл, Татьяна, Василий Алексеевтар 49 сыл, Мария, Николай Баишевтар 35 сыл бииргэ олорбуттарын чиэстээтилэр.
«Көхтөөх уһун үйэлэнии» кииҥҥэ Наталья, Игорь Леоновтар, Людмила, Дмитрий Харитоновтар, Пелагея, Петр Винокуровтар үйэ аҥаара бииргэ олорбуттарын бэлиэтээтилэр. Өр сылларга иллээхтик-эйэлээхттик бииргэ олорон, элбэх оҕону төрөтөн-иитэн таһаарбыт, сиэннэрин иитиигэ көмөлөһөр, эдэр ыалларга холобур буолар пааралары Дьиэ кэргэн, таптал, бэриниилээх буолуу күнүнэн эҕэрдэлээтилэр.
«Сэргэх» киин актыбыыһа Дмитрий Донской Уһук Илиҥҥэ саахымат турнирыгар үөлээннээхтэрин кытта онлайн көрүҥүнэн киирсэн, чөмпүйүөн буолла.
Маны тэҥэ, «Сэргэх», «Сайдыына», «Көмүлүөк», «Дружба» кииннэргэ үбү-харчыны сатаан туһанар туһунан лиэксийэлэри иһиттилэр. Биэнсийэни, уурунуу харчыны элбэтии, ороскуоту былааннааһын, о.д.а. тиэмэлэри сырдаттылар диэн Социальнай пуонда Саха сиринээҕи салаата иһитиннэрэр.
Аҕам саастаах дьон маннык кииннэргэ түмсэн, элбэххэ үөрэнэллэр, үөлээннээхтэрин кытта алтыһаллар, бириэмэлэрин туһалаахтык атаараллар, олоххо тардыһыылара күүһүрэр, үйэлэрэ уһуур.
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…
Ааспыт сылга уонна сыл саҕаланыыта хас да дьиэ кэргэн өлүүлээх чааһынай дьиэлэргэ тахсыбыт баһаардар өрөспүүбүлүкэни…
Бэҕэһээҥҥи долгутуулаах Таптал күнүн кэнниттэн, бүгүн уоскулаҥ уонна сынньалаҥ күнэ үүннэ. Ый Чубуку бэлиэтиттэн Күрүлгэн көһөр…
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…