Аҕам саастаахтарга умнуллубат күнү бэлэхтээтилэр

Сунтаар Бүлүүчээнигэр «Ситис» лааҕыр оҕолору арааска уһуйар, угуйар. Бу күннэргэ Сунтаар көхтөөх үөрэнээччилэрэ «Волонтердары сайыннарабыт» диэн сыаллаах-соруктаах лааҕырга сэттэ күн устата арааска үөрэннилэр.

Биир күн Бүлүүчээн оҕолорун кытта көрсөн, көтөр ферматыгар ыалдьыттаан баран, аны түмүк күннэригэр эбээлэргэ умнуллубат күн бэлэхтээтилэр.

Бүлүүчээн саастаах кэрэ аҥаардарын лааҕырдарыгар ыҥыран аҕалан дьоро күн тэрийэн оонньоттулар, аһаттылар, атах тэпсэн олорон сэһэргэстилэр. Бу курдук ыччат дьон үтүө дьон буоларга иитиллэллэр. Санатан эттэххэ Сунтаарга быйыл Аҕа саастаахтарга ытыктабыл сыла.

Тускулаана ГОРОХОВА-КОБЕЛЬЯНОВА