Аҕам саастаахтары өйөөһүн

Саха сирин баһылыгын дуоһунаһыгар хандьыдааттар  уһун үйэлэниини хайдах ситиһии уонна аҕам саастаахтары  өйөөһүн туһунан бэйэлэрин санааларын эттилэр.

Айсен Николаев өрөспүүбүлүкэҕэ аҕам саастаах дьону көрүү-истии тиһигин киллэрии туһунан кэпсээтэ. Кини сотору, Нам оройуонугар 65 миэстэлээх Кырдьаҕастар уонна инбэлииттэр саҥа дьиэлэрэ аһылларын эттэ. Хандьыдаат өрөспүүбүлүкэҕэ аҕам саастаахтарга аналлаах эбийиэктэри тутуу наадатын бэлиэтээтэ. Онно саастаах дьон успуордунан уонна норуот төрүт дьарыгынан дьарыктаныахтарын сөп.

Гаврил Парахин аҕам саастаахтарга сынньанарга анаан сквердэри тутарга эттэ. Онуоха сынньалаҥ кииннэрин тутарга идэтийбит каадырдар наадаларын бэлиэтээтэ.

Виктор Губарев биэнсийэ кээмэйин икки-үс төгүл улаатыннарарга эттэ. Кини бэлиэтээбитинэн, маннык өйөбүл – бу уһун үйэлэниини өйүүр суолталаах сыал.