АГАТУ устудьуоннара байыаннай дьайыы байыастарыгар балык кэтилиэтин оҥордулар

Арктикатааҕы судаарыстыбаннай агротехнологическай университет волонтер-устудьуоннара  12 киилэ соботтон кэтилиэт бэлэмнээтилэр. 

Байыастарга көмөнү оҥорорго анаммыт ас астыыр тэрээһиҥҥэ Саха сиригэр Аҕа дойду буойуннарын дьиэ кэргэннэрин кэмитиэтин салайааччыта Марина Бахилина кытынна.
«Наһаа маладьыас оҕолор, кинилэр фроҥҥа уонна госпиталга ыытыллар, бородуукталары астыырга көмөлөһөллөр. Биһиги байыастарбытыгар дьиэ аһа олус наадалаах», — диэн бэлиэтээтэ Марина Бахилина.

Технолог идэтигэр үөрэнэр устудьуоннар номнуо иккис сылын улуустартан кэлбит аһынан,  байыаннай дьайыыга ыытарга полуфабрикаттары бэлэмнииллэр.