Хаартыска АГАТУ пресс-сулууспатыттан
«Биһиги бииргэбит!» бүтүн Арассыыйатааҕы аахсыйа чэрчитинэн, Арктикатааҕы агротехнологическай университет устудьуоннара байыаннай дьайыыга кытта сылдьар биир дойдулаахтарбытыгар гуманитарнай көмөнү тиэйиигэ көхтөөхтүк кытыннылар.
Тэрээһини «СӨ волонтерскай ресурснай киин» автономнай коммерческайа суох тэрилтэ тэрийэн ыытта диэн АГАТУ пресс-сулууспата иһитиннэрэр.
Бүгүн, тохсунньу 28 күнүгэр, устудьуоннар Айталин Спиридонов (ИФ МАПП-23), Шохрух Каримов (ФЛКиЗ АБ-23) уонна Фарух Каримов (ФЛКИЗ АБ-22) волонтердарга холбоһон харыстыыр сиэккэлэри, блиндаж чүмэчилэрин, баһыылкалары уонна байыаннайдар таҥастарын массыыналарга тиэйдилэр.
«Биһиги маннык улахан суолталаах дьыалаҕа кылааппытын киллэрэр кыахтаммыппытыттан үөрэбит. Бу биһиги байыастарбытыгар көмө эрэ буолбакка, уопсай дьыалаҕа кыттыһыы буолар», — диэн Айталин Спиридонов санаатын үллэһиннэ.
«СӨ волонтерскай ресурснай киин» автономнай коммерческайа суох тэрилтэ устудьуоннарга уонна университет салалтатыгар суһаллык кэлэн уонна түргэнник-тарҕаннык туттан көмөлөспүттэригэр махталын биллэрдэ. Маннык аахсыйалар инники күөҥҥэ сылдьар байыастарга көмөлөһөллөргө эрэ буолбакка, уустук кэмҥэ бэйэ-бэйэҕэ көмөлөһүү, дьону сомоҕолуур суолталааҕын өйдөтөллөр.
«Якутия, вперед!» биэриигэ Айсен Николаев тохсунньу ый түмүктэрин таһаарда уонна Бырабыыталыстыба отчуоттарын сирэй көрсөн тоҕо…
“Якутия, вперед!” биэриигэ тохсунньу түмүктэрин таһаарар быһа эпииргэ Ил Дархан “Сулустаах” түөлбэҕэ сыл саҕаланаатын кытта…
“СӨ судаарыстыбаннай ыччат бэлиитикэтин туһунан” сокуон 1998 сыллаахха ылыныллыбыта. Ол гынан баран, бу сокуоҥҥа “патриотическай…
Ил Дархан Айсен Николаев үөрэх үлэһиттэрин тохсунньутааҕы сүбэ мунньаҕар этиллибит сүҥкэн суолталаах боппуруоһунан тус үөрэхтээһини…
Мииринэй улууһугар полицейскайдар биэнсийэлээх дьахтартан баан каартатыттан харчы уоруутун дьыалатын арыйдылар. Харчыны уорбут уорбаланааччынан дьахтар…
Олунньу 1 күнүттэн үлэтэ суохтарга босуобуйа кээмэйэ 9,5%-нан эбиллэн, муҥутуур кээмэйэ 15 тыһ. солк. тахса…