АГАТУ устудьуоннара Москваҕа госпиталга эмтэнэр байыастарга көмөлөһөллөр

Арктикатааҕы судаарыстыбаннай агротехнологическай университет волонтердара балтараа сыл устата өрөспүүбүлүкэ араас улуустарыттан аҕалыллыбыт этинэн полуфабрикаттары оҥорон, байыаннай дьайыы буола турар сиригэр уонна госпиталларга ыыталлар. 

Аны бу күннэргэ үөрэх кыһатын устудьуоннара 300 киилэ бородууктаны хомуйан, Москваҕа госпиталларга эмтэнэ сытар байыастарга ыыттылар. Ол иһигэр эт, балык, полуфабрикат, ото арааһа баар. Кинилэргэ олохтоох урбаанньыттар күүс-көмө буоллулар.

Госпиталларга эмтэнэ сытар бааһырбыт байыастарга төрүт сирдэрин аһа-үөлэ күүс-уох, сэниэ эбиэ, үтүөрэллэригэр көмө буолуо диэн устудьуоннар эрэнэллэр.