Хаартыска: Людмила Попова.
Арктикатааҕы судаарыстыбаннай агротехнологическай университет (АГАТУ) бэс ыйын 15 күнүттэн быйыл үөрэххэ туттарсааччылартан сайабылыанньаны ылан саҕалаата.
Тустаах университет киин тутар хамыыһыйатын салайааччыта Павлина Васильева иһитиннэрбитинэн, 2024-2025 үөрэх дьылыгар бүддьүөттэн барыта 754 миэстэ көрүллүбүт. Итинтэн үрдүк үөрэххэ 669, орто үөрэххэ 85 миэстэ.
“Быйыл Өктөмнөөҕү филиалбытыгар кэтэхтэн көрүҥҥэ “тыа хаһаайыстыбатын тиэхиньикэтин уонна тэрилин туһаныы, өрөмүөннээһин” диэн саҥа орто, төлөбүрдээх үөрэх аһылынна.
Быйыл абитуриент былырыыҥҥы курдук элбээбитэ биэс хайысхаҕа докумуон туттарар. Ол эбэтэр, биэс үрдүк үөрэх кыһатыгар хас биирдиитигэр биэс хайысхаҕа биэриэххэ сөп уонна олортон ордук суолталаахтарын талар (система приоритетов). Сайабылыанньатыгар хас биирдии идэ аттыгар нүөмэрдэтэлиир.
Арассыыйа Дьоруойдарыгар, “Хорсунун иһин” үс уордьаннаахтарга, анал байыаннай дьайыы кыттыылаахтарыгар уонна кинилэр оҕолоругар бакалавриакка, специалитекка туспа кубуота көрүллэр, онон туспа куонкурустаһаллар. Бэлиэтээн эттэххэ, орто уопсай үөрэхтээһин аттестаттаах, ол эрээри биир кэлим эксээмэн (ЕГЭ) түмүгэ суох анал байыаннай дьайыы кыттыылаахтара, кинилэр оҕолоро үөрэххэ туттарсар түгэннэригэр, үрдүк үөрэх бэйэтэ ыытар тургутууларын (вступительные испытания вуза) ааһыахтарын сөп.
Оттон олимпиадаҕа ситиһиилээхтэр, анал байыаннай дьайыыга баран суох буолбут дьон оҕолоро эбэтэр байыаннай дьайыыттан улаханнык бааһырыыны ылбыт дьон уонна кинилэр оҕолоро туох даҕаны эбии тургутуута суох үөрэххэ киирэр кыахтаахтар.
Бүддьүөт миэстэтигэр туттарсааччылар бары уопсайынан хааччыллаллар. Төлөбүрдээх үөрэххэ киирээччилэр ирдэнэр докумуоннарын барытын тиһэн сайабылыанньа биэрдэхтэринэ, хамыыһыйа быһаарыы ылынан миэстэ көрүөн сөп. 9-с кылаас кэнниттэн улуустан сылдьааччылары олоччу барыларын уопсайга ылабыт. Уопсай барыларыгар төлөбүрдээх, ыйдааҕыта 1700 солк. тэҥнэһэр” – диэн быһаарар.
АГАТУга үрдүк төлөбүрдээх үөрэх (бакалавриат, специалитет) сыаната сылга 319 тыһ. солк. тэҥнэһэр. Ол эрээри, элбэх оҕолоох дьоҥҥо, тулаайах, инбэлиит оҕолорго, анал байыаннай дьайыы кыттыылаахтарын оҕолоругар, кыаммат дьиэ кэргэҥҥэ, биир төрөппүттээх 20-гэр диэри саастаах дьоҥҥо намтатыы көрүллэр, 180 тыһ. солк. буолар диэн этэр. Итиэннэ өскөтүн орто үөрэххэ туттарсааччы аттестатын орто баала 3,3 баалтан кырата суох буоллаҕына эмиэ чэпчэтиилээх төлөбүрүнэн туһанар кыахтаах.
Орто үөрэх кэнниттэн туттарсаачылар докумуоннарын от ыйын 20 күнүгэр, биир кэлим эксээмэн (ЕГЭ) түмүгүнэн киирээччилэр от ыйын 25 күнүгэр диэри туттараллара ирдэнэр.
АГАТУ-га быйыл докумуону араас көрүҥүнэн ыытыахха сөп:
Сиһилии АГАТУ саайтыгар бу ыйыллыбыт сигэнэн киирэн билис.
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка…
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…