Мария Васильева хаартыската, ЯСИА.
Дьокуускай куорат суута АГАТУ үлэһитэ буруйу оҥорууга холуобунай дьыалатын көрдө.
Суут быһаарыытынан, 2017-2020 сылларга дьахтар кэккэ устудьуоннар атын кууруска көһөрүллэр кыахтара суоҕун үрдүнэн, академическай иэстэрин билэ сылдьан, атын кууруска көһөрөрү көҕүлээбит.
Кини сүбэ мунньахтарга уонна тус сэһэргэһэр кэмигэр үөрэх тэрилтэтин үлэһиттэригэр уурайыахтаах устудьуоннары атын кууруска көһөрөргө бирикээстэри бэлэмнииргэ ыйан-кэрдэн ирдээбит. Ол кэнниттэн кини бирикээстэр бырайыактарын бэлэмнээбит уонна ректор эбээһинэһин толоро сылдьан бирикээстэргэ илии баттаабыт. Кини дьайыыларынан бу кэмҥэ уопсайа 274 устудьуон сокуоннайа суох атын кууруска көһөрүллүбүт.
Бу дьайыытынан буруйдаах федеральнай бүддьүөккэ 9219088,87 солк. уонна СӨ бүддьүөтүгэр 1437525,74 солк. суумаларга хоромньуну таһаарбыт. Буруйдаах дьахтар буруйун билиммэтэх. Суут бириигэбэринэн дьахтар буруйу оҥорууга буруйдааҕынан ааҕылынна, 2 сылга болдьоххо усулуобунайдык көҥүлэ быһылынна, ону таһынан судаарыстыбаннай уонна олохтоох салайыныы уорганнарыгар, административнай- хаһаайыстыбаннай уонна салайар үлэҕэ быһаччы сыһыаннаах дуоһунастарга үлэлиир көҥүлэ быһылынна.Суут бириигэбэрэ сокуоннай күүһүгэр киирэ илик. Бу туһунан Дьокуускай куорат суутун пресс-сулууспата суруйар.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…