АГИКИ уонна УИФУ бииргэ үлэлэһиэхтэрэ

— Саха сирэ киинэни оҥорууга балачча улаханнык уопутурда. Биһиги институппутугар «Приоритет-2030» бырагыраама иһинэн Арктикаҕа уонна Уһук Илиҥҥэ киинэ индустриятыгар каадырдары бэлэмниир сыаллаахпыт. Былырыын «Руководство студией кино-, фото- и видео творчества» бырагырааманы үлэлэппиппит. Онтон Уһук Илиннээҕи федеральнай университеты кытта саҥа бырагырааманы үлэлэтэргэ былаанныыбыт, — диэн Саргылаана Игнатьева иһитиннэрдэ.

Бу күннэргэ институкка АГИКИ c

ааскы киинэ оскуолатын лабораторията үлэлиир. Киинэ оскуолатын кыттыылаахтара сценарийы суруйуу ымпыгын-чымпыгын кытары билсэллэр. Үс нэдиэлэ устата кинилэр эспиэрдэр лиэксийэлэрин истиэхтэрэ, сценарий суруйарга үөрэниэхтэрэ. Инникитин бу киинэ оскуолата Уһук Илин, Арктика эрэгийиэннэрин талааннаах ыччатын хабан, үлэлиэҕэ.

— Саха киинэтин сайдыытын таһымын «Якутское кино: от культурного феномена — к креативной индустрии-драйверу» бырайыак Арассыыйаҕа саамай үрдүктүк сыаналанар «Серебряный лучник» бириэмийэҕэ кыайыыта туоһулуур. Ил Дархан эппитин курдук, Саха сирэ киинэ индустриятын сайдыытыгар улахан ситиһиилэннэ — ааспыт сылга Арассыыйаҕа омук сиринээҕи хас бэһис наҕарааданы саха киинэтэ ылбыта, — диэн Саргылаана Игнатьева кэпсээтэ.

 Ил Дархан, бырабыыталыстыба дьаһалтатын пресс-сулууспата.