Ил Дархан, бырабыыталыстыба дьаһалтатын пресс-сулууспата.
ДНӨ Докучаевскай куоратын Оҕо, ыччат айымньытын дьиэтигэр Саха сирин уонна Донецкай Норуодунай Өрөспүүбүлүкэ кыттыгас кэнсиэртэрэ буолла. Бу туһунан Саха сирин Донецкайга баар тирэх пуунугар иһитиннэрдилэр.
Докучаевскай олохтоохторугар Арктикатааҕы култуура, ускуустуба институтун устудьуон-волонтердара ырыа-тойук нүөмэрдэрин бэлэхтээтилэр, үнүстүрүмүөннэргэ оонньоон иһитиннэрдилэр, дьон-сэргэ сүргэтин көтөхтүлэр. Тирэх пуун суһал ыстаабын салайааччы Георгий Куркутов уонна АГИКИ бастакы проректора Станислав Иванов саха норуотун култууратын, үгэстэрин туһунан кэпсээтилэр, сырдаттылар.
Санатар буоллахха, 2024 сыл тохсунньу 23 күнүгэр Саха сирэ уонна Докучаевскай куорат сөбүлэһиигэ илии баттаспыттара. Сөбүлэһии чэрчитинэн, 65 эбийиэккэ өрөмүөн үлэтэ ыытыллыахтаах. Ол иһигэр, 53 олорор дьиэҕэ түннүктэрин уларытыахтара, Елановка бөһүөлэккэ 4 дьиэҕэ кырыыһатын саҥардыахтара. Центральнай уулуссаҕа ытыалааһынтан эмсэҕэлээбит дьиэни өрөмүөннүөхтэрэ. Маны тэҥэ, куорат пааркатыгар, Култуура дьиэтигэр, бассейннаах спорткомплекска, балыыһаҕа уонна 4-с №-дээх оскуолаҕа хапытаалынай өрөмүөнү ыытыахтара.
Докучаевскай балыыһатыгар аныгылыы рентген-аппарааты атыылаһан биэриэхтэрэ, бу кэбиниэккэ сөргүтүү үлэтин ыытыахтара.
«Биһиги бары уопсай дьыаланы оҥоробут, балыыһалары, оскуолалары, дьиэлэри, суоллары, мусуойдары тутабыт. Эрэгийиэннэр бары Донбасс, Новороссия куораттарыгар, бөһүөлэктэригэр бырааттыы көмөлөрүн оҥороллор», — диэн бэрэсидьиэн Владимир Путин этэн турар.
Ил Дархан, бырабыыталыстыба дьаһалтатын пресс-сулууспата.
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улуустара эмсэҕэлээтилэр. Баартыйа эрэгийиэннээҕи салаатын исполкомун салайааччыта Сулустаан…
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…