Быстах байыаннай хомуурга барбыт байыастарга тэрилтэлэр, биирдиилээн дьон төһө кыалларынан көмөлөһөллөр.
Маны таһынан үөрэх тэрилтэлэрэ эмиэ бэйэлэрин сэмэй кылааттарын киллэрсэллэр. Култуура уонна искусство Арктикатааҕы институтун дизайн кафедратын устудьуоннара, преподавателлэрэ Антонина Романова салалтатынан наһыылка уонна курга иилинэр суумка тигэллэр.
Ол туһунан Антонина Романова бу курдук кэпсиир: «Биһиги устудьуоннары кытары «Фома 180» диэн мобильнай наһыылкалары тигэбит. Наһыылка эчэйбит байыастары таһаарарга, таһарга аналлаах, ол гынан баран, гамак эбэтэр маскировочнай сиэккэ курдук эмиэ туттуллуо. Ону тэҥэ, бу олус халыҥ, бөҕө 2-3 см кэтиттээх лиэнтэ буолан, ыарахан ыйааһыннаах таһаҕаһы тиэйэргэ, таһарга эмиэ туттуллуон сөп. Мобильнай буолан чэпчэки ыйааһыннаах уонна түргэнник хомуллар. Аны, ону өттүккэ уктан илдьэ сылдьарга анаан, курга иилинэргэ кыра суумка тигэбит. Бу үлэ улахан сыраны эрэйэр. Хата, устудьуоннарбыт көмөлөрө улахан. Мин сорох устудьуоннарым убайдара хомуурга түбэһэн, анал эппэрээссийэҕэ сылдьаллар. Биһиги бары биир дойдулаахтарбытын дойдуларыгар этэҥҥэ эргиллэн кэлэллэригэр баҕарабыт».
Билиҥҥитэ наһыылканы бу институт устудьуоннара эрэ тигэллэр. Онон баҕалаахтар баар буоллахтарына, бу үтүө дьыалаҕа кыттаһалларыгар ыҥыраллар. Оттон устудьуон кыргыттар, байыастарбыт түргэнник дойдуларыгар, дьиэ кэргэттэригэр, таптыыр, ахтар дьонноругар этэҥҥэ төннөллөрүгэр баҕардылар, эрэнэллэрин эттилэр.
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…